Na dapamohu achviaram represij u Biełarusi jeŭrapiejcy vydzielili bolš za 2,4 miljona jeŭra
U 2024 hodzie byŭ stvorany Mižnarodny humanitarny fond dla padtrymki palitviaźniaŭ u Biełarusi i ich siemjaŭ. Inicyjatyva ŭźnikła jašče ŭ 2022 hodzie dziakujučy Ofisu Śviatłany Cichanoŭskaj i abjadnała ŭžo najaŭnyja pravaabarončyja struktury. Asnoŭnaja ŭvaha nadajecca dapamozie tym, chto zastajecca ŭ Biełarusi. Deutsche Welle daviedałasia pra niekatoryja padrabiaznaści ź dziejnaści hetaha fondu.
Da pracy dałučylisia supracoŭniki Narviežskaha Chielsinkskaha kamiteta i bolšaść viadomych arhanizacyj: BY_help, Bysol, «Kraina dla žyćcia», «Volnyja», INeedHelpBY, Dissidentby i jašče dźvie struktury, nazvy jakich nie apubličvajucca. Arhanizacyja BY_help niadaŭna pakinuła fond.
Pieršapačatkovy biudžet fonda składaŭ 1,3 miljona jeŭra, ciapier — kala 2,4 miljona. Najbujniejšy donar — Narviehija (835 tysiač jeŭra), dalej iduć Danija — kala 669 tysiač jeŭra, Šviecyja — 449 tysiač jeŭra, Luksiemburh — 250 tysiač jeŭra, Isłandyja — 10 kala 70 tysiač jeŭra), Ispanija — 50 tysiač jeŭra, Finlandyja — 50 tysiač jeŭra (tranš abiacany, ale na rachunak pakul nie pastupiŭ), Estonija i Łatvija — pa 30 tysiač jeŭra.
Samym bujnym atrymalnikam srodkaŭ staŭ By_Help, jaki nakiravaŭ 642 984 jeŭra 370 paciarpiełym. Dalej idzie Bysol — 320 144 jeŭra pieraviali 509 achviaram represij, fond «Kraina dla žyćcia» — 97 433 jeŭra dla 132 bienieficyjaraŭ, INeedHelpBY za 41200 jeŭra nabyŭ 1181 praduktovy košyk, Dissidentby — 80 996 jeŭra nakiravali 178 paciarpiełym (jašče kala 21 tysiač jeŭra zastajucca nie vydatkavanymi).
Usiaho na dapamohu ŭžo pajšło bolš za 1,18 miljona jeŭra, rešta — zvyš 1,23 miljona — zastajecca na rachunku apieratara fondu (NCHK). Usie srodki iduć tolki na dapamohu, akramia minimalnych administracyjnych vydatkaŭ (da 5%).
Fond abiacaŭ kalektyŭnaje kiravańnie i kantrol praz Naziralnuju radu, ale imiony jaje ŭdzielnikaŭ pakul nie raskrytyja. Heta tłumačać pytańniami biaśpieki i pracesam farmavańnia składu. Paśla zapusku aficyjnaha sajta (zapłanavany na vierasień 2025) infarmacyju abiacajuć zrabić adkrytaj.
U lipieni 2025 hoda vakoł dvuch bujnych atrymalnikaŭ hrošaj uźnikli skandały. BY_help vyjšaŭ z fondu paśla taho, jak Narviežski Chielsinkski kamitet vyjaviŭ surjoznyja prablemy z dakumientacyjaj i biaśpiekaj danych. Bysol adchiliŭ svajho zasnavalnika Andreja Stryžaka ad pracy paśla abvinavačvańniaŭ u nieprystojnych dziejańniach i pryznačyŭ novaha pradstaŭnika. Abiedźvie situacyi, pavodle tłumačeńniaŭ fondu, nie paŭpłyvali na jaho pracu — dapamoha praciahvajecca ŭ zvyčajnym režymie.
Lavončyk: Na 18 tysiač tych, chto atrymaŭ dapamohu, było try kryminalnyja spravy
Infarmacyju znajšli na kampjutary čałavieka ź Biełarusi. Stała viadoma, što za prablema ź biaśpiekaj była ŭ «Bajchełp»
Stolki prablem, a tut Stryžak ź jaho padletkavymi hulniami
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Stryžak raskazaŭ, što ciapier budzie z «Bajsołam»
Cichanoŭskaja pra spravu Stryžaka: Toje, što zrabiŭ kiraŭnik — nie padstava razburać fundamient
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary