Baškana Hahauzii Jaŭhieniju Hucuł prysudzili da 7 hadoŭ pazbaŭleńnia voli pa spravie ab niezakonnym finansavańni vybarčaj kampanii.
Hucuł abvinavačvali ŭ tym, što jana ŭdzielničała ŭ niezakonnym finansavańni partyi, u pryvatnaści, vaziła hrošy z Rasii ŭ Małdovu z 2019-ha pa 2022 hod. Druhaja sprava źviazanaja z udziełam Hucuł u arhanizacyi pratestaŭ u Kišyniovie ŭ 2022 hodzie, dzie jana adkazvała za vypłaty ludziam, mitynhoŭcam kala dziaržaŭnych ustanoŭ.
U kastryčniku 2024 hoda Jeŭrasajuz unios Hucuł u sankcyjny śpis za prasoŭvańnie sieparatyzmu ŭ Hahauzii, ciesnyja suviazi z Rasijaj i pahrozy suvierenitetu i niezaležnaści Małdovy.
Prakuratura prasiła dzieviać hadoŭ turmy.
Taksama da šaści hadoŭ turmy asudžanaja byłaja sakratarka partyi «Šor» Śviatłana Prapan.
Hahauzija — aŭtanomnaja vobłaść Małdovy, u raspaŭsiudžvańnie svajho ŭpłyvu na jakuju šmat srodkaŭ ukłała Rasija.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ18
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary
Kali Jeŭrasajuz i ZŠA ŭsich spansujuć u svaich interesach, to heta norm. A kali toje samaje robić Rasija, to adrazu strom i turma.
Kali raptam pieramahaje na vybarach nie toj kandydat, to vyniki skasoŭvajuć (pryviet Rumynam), bo heta Pucin rekłamu ŭ tyktokach zamaŭlaŭ.
Nie, ja nie amatar ruskaha śvietu, nie padtrymlivaju Łu i Pu. Prosta kanstatuju fakty, što ŭ niekatorych krainach Jeŭropy ŭłady vykarystoŭvajuć tyja samyja zachady ŭ baraćbie ź inakamyślem, jak heta robiać u Rasii, Biełarusi i inšych NIEdemakratyčnych krainach.