U minskim parku źjavilisia niezvyčajnyja skulptury z dreva i mietału FOTY
Novyja zony adpačynku źjaŭlajucca ŭ Minsku rehularna. Adzin z apošnich nabytkaŭ stalicy — źmieny ŭ Antonaŭskim parku. Heta zona adpačynku raźmiaščajecca pamiž pasiołkam viełazavoda i Traktarazavodskim pasiołkam, piša «Anłajnier».
Svoj kavałačak Ślapianskaj vodnaj sistemy, darosłyja drevy, darožki ŭzdoŭž vady. Miesca pryjemnaje i cichaje. A ź niadaŭnich časoŭ jašče i davoli niezvyčajnaje: park nie tolki akulturyli, ale i ŭpryhožyli skulpturami. Vielmi jarkimi i svojeasablivymi.
Raniej palmu pieršynstva ŭ katehoryi niezvyčajnaści trymali fihury, ustanoŭlenyja na Muchli. Ciapier u ich źjavilisia hratesknyja siabry ź mietału i dreva ŭ Leninskim rajonie.
Źmianiać park pačali jašče ŭ minułym hodzie. Praca była praviedziena vielizarnaja, bo ni dychtoŭnych tratuaraŭ, ni sučasnych łavačak tut i blizka nie było. Voś jak apisvaje maštaby praviedzienaha ahienctva «Minsk-Naviny»:
«Rabotniki «Zielanbuda Leninskaha rajona» prasunulisia ŭhłyb prykładna napałovu. Prybrali lišniuju raślinnaść, pašyryli z 2,5 da 3 m darožku, nanieśli na jaje pakryćcio z asfaltahranulatu z dadańniem hranitnaj kroški i pakłali novyja bardziury.
Pastavili 15 novych łavačak. Uładkavali niekalki łakacyj dla dziaciej, u tym liku viarovačny haradok ź simpatyčnymi draŭlanymi kanstrukcyjami i ź siaredniaviečnym mini-zamkam, a taksama spartyŭnuju zonu z antyvandalnymi trenažorami, turnikami, brusami. Ich kalehi z ŽKH zbudavali aharodžanuju placoŭku dla vyhułu sabak».
Uletku hetaha hoda zielanbudaŭcy zajmalisia ŭžo pieravažna raślinnaściu: drevy treba było abśledavać, abrezać, lišniaje vysiečy. Urešcie prystupili da «dekaravańnia». Tak u parku i pasialilisia niezvyčajnyja hieroi.
Hałoŭny piersanaž — Karłsan, jaki trymajecca za stojku staradaŭniaj śviacilni, abstalavanaj soniečnaj batarejaj. Kožny achvotny moža pakrucić prapieler kazačnaha hieroja. Krychu navoddal raźmiaściŭsia žalezny «Vadałaz», jaki achoŭvaje aśviatlalnuju mačtu, što taksama siłkujecca soniečnaj enierhijaj. Pamiž imi ŭładkavalisia «Ryba» i «Matylok».
Uvahu pryciahvaje i draŭlanaja skulptura «Myślar» — jaje, jak i stojku z karmuškami dla ptušak, vyrazali majstry «Zielanbuda Leninskaha rajona».
«Heta łakacyja ŭžo stała fotazonaj, jak i było zadumana, — zaŭvažaje dyrektar «Zielanbuda Leninskaha rajona» Alaksandr Vasileŭski.
U parku taksama možna znajści valejbolnuju placoŭku i varkaŭt-zonu z trenažorami pad naviesam.
Zabudoŭščyk raspavioŭ, što pabudujuć u «Paŭnočnym bierazie» ŭ najbližejšyja hady
Na terytoryi Motaviełazavoda stvarajuć novy kvartał z kaviarniami i kramami. Što tam
«Mianie časam zanosić u idejach». Minčuki kupili ŭčastak na bierazie Viačy i pabudavali dom svajoj mary
U minskich parkach źjaviacca niekalki novych atrakcyjonaŭ
Minskija ŭłady raskazali, dzie abstalujuć placoŭki dla plažnaha valejboła i futboła
Ciapier čytajuć
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku4
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary