«Razłamaŭsia pazvanok». U Hrodnie padletak pajšoŭ skakać na batutach — i ciapier nie adčuvaje ni ruk, ni noh
16-hadovy chłopiec niaŭdała pryziamliŭsia i atrymaŭ udar śpinnoha mozhu. Jon užo pieražyŭ śmiarotna niebiaśpiečnuju apieracyju, paviedamlaje «Anłajnier».
Usio adbyłosia 5 žniŭnia ŭ spartyŭna-zabaŭlalnym centry Gagarin u Hrodnie. 16-hadovy chłopiec pryjšoŭ tudy paskakać na batutach ź siabrami.
U jaki momant adbyłasia traŭma, baćka padletka Alaksandr dakładna nie viedaje. Jak jon zrazumieŭ, była sieryja vielmi mocnych skačkoŭ, u tym liku sa sprobami zrabić salta, adzin ź jakich skončyŭsia mocnym udaram.
«Syn skazaŭ, što ŭ inšych batutnych centrach, dzie jon byŭ, parałon unizie jak by «prytarmožvaje», a tut, naadvarot, paskaraje. Ale ja tam [u batutnych centrach] ni razu nie byŭ, tamu ničoha skazać nie mahu», — raskazaŭ mužčyna.
Paśla pryziamleńnia chłopiec adrazu ž straciŭ adčuvalnaść noh i ruk, ale zastavaŭsia ŭ prytomnaści. U dziciačym centry adrazu ž vyklikali chutkuju. Padletka z traŭmaj spačatku dastavili ŭ dziciačuju balnicu, a paśla pieranakiravali ŭ BCHMD Hrodna. Tam ekstranna praviali kampjutarnuju tamahrafiju i toj ža nočču zrabili składanuju apieracyju z udziełam adnaho z najlepšych niejrachirurhaŭ Biełarusi Andreja Švieda.
«Pierad apieracyjaj spuściŭsia doktar, jon skazaŭ, vierahodnaść taho, što nie vyžyvie, vielmi vialikaja <…> Paśla apieracyi nam kazali čakać troje sutak — jany samyja niebiaśpiečnyja. Ciapier nichto ničoha kankretnaha nie kaža, usie razvodziać rukami, treba čas. Mahčyma, budzie invalidam, mahčyma, nie budzie. Ale ŭpeŭnienaści ŭ tym, što ŭsio budzie dobra, niama naohuł nijakaj», — padzialiŭsia baćka.
Chłopiec usio jašče znachodzicca ŭ reanimacyi, ale ŭ najbližejšyja dni jaho pavinny pieravieści ŭ zvyčajnuju pałatu. Sa stanoŭčych źmien: jon staŭ adčuvać ruku i patrebu chadzić u tualet.
«U jaho udar śpinnoha mozha. Pry padzieńni złamaŭsia pazvanok, jaki nacisnuŭ na śpinny mozh. Hety pazvanok prybrali, pastavili zamiest jaho «pamadku» i zamacavali płaścinaj na dvuch bałtach. Śpinny mozh nie razarvany, abałonka cełaja, ale adbyŭsia kryvaciok, udar», — tłumačać zdareńnie ŭ siamji i prosiać padkreślić, što vielmi ŭdziačnyja daktaram i ŭsiamu miedpiersanału balnicy.
Jak raskazaŭ Alaksandr, milicyja ciapier pravodzić pravierku pa fakcie zdareńnia. U batutnym centry kamientavać zdareńnie admovilisia.
Heta ŭžo nie pieršaje zdareńnie ŭ batutnych centrach Biełarusi. Traŭmatołahi-artapiedy pieryjadyčna źviartajuć uvahu baćkoŭ na toje, što skački nielha ličyć na 100% biaśpiečnaj zabaŭkaj. Asabliva niebiaśpiečnyja batuty dla maleńkich dziaciej i padletkaŭ, jakija časta sprabujuć zrabić salta ŭ skačku ci paŭtaryć niebiaśpiečnyja truki.
Ciapier čytajuć
Što za dvaccacihadovyja dziaŭčaty nalivajuć čaj Łukašenku4
Što za dvaccacihadovyja dziaŭčaty nalivajuć čaj Łukašenku
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary