Palitźniavolenaja madel Vieranika Žałuboŭskaja vyjšła na svabodu
Dziaŭčyna adbyła prysudžany joj hod źniavoleńnia.
Vyjšła na svabodu madel, aktrysa i byłaja ściuardesa Vieranika Žałuboŭskaja. Dziaŭčyna apublikavała fota ź Filipin, paviedamlaje telehram-kanał «Śviaščenny Biełavud». Mahčyma, heta stary zdymak.
Vieranika rodam ź Minska. Skončyła minski licej №1, a paśla advučyłasia ŭ Minskim dziaržaŭnym Linhvistyčnym univiersitecie, jaki skončyła ŭ 2017 hodzie. Miarkujučy pa ankiecie, adnačasova vučyłasia ŭ Biełaruskaj dziaržaŭnaj akademii mastactvaŭ.
Paśla skančeńnia MDŁU Vieranika adpracavała try hady ściuardesaj u Katarskich avijalinijach. Jašče adno zachapleńnie Vieraniki — madelinh i akciorstva. Jana źniałasia ŭ epizadyčnych rolach u čatyroch filmach pad psieŭdanimam Vieranika Bruśnikina i supracoŭničała z mnostvam madelnych ahienctvaŭ.
Apošniaje fota ŭ sacsietki dziaŭčyna vykłała 18 listapada 2024 hoda z Turcyi. Paśla hetaha jana pajechała ŭ Biełaruś — imavierna, tady jaje i zatrymali.
Vieraniku asudzili pa «narodnym» artykule 342 Kryminalnaha kodeksa — dziaŭčynie pryznačyli hod pazbaŭleńnia voli ŭ kałonii va ŭmovach ahulnaha režymu. Jana adbyła termin całkam.
«Did u miss me? Im back to life! — Sumavali? Ja viarnułasia», — napisała biełaruska ŭ sacsietkach.
«Naša Niva» — bastyjon biełaruščyny
PADTRYMAĆCiapier čytajuć
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu14
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary