Čakajecca, što praz 5 hadoŭ u stalicy buduć žyć na 25-30 tysiač čałaviek bolš — heta pryblizna 6,6% ad ciapierašniaha nasielnictva adnaho Frunzienskaha rajonu.
Pra prahnoz sacyjalna-ekanamičnaha raźvićcia raskazaŭ žurnalistam «Minsk Naviny» staršynia Kamiteta architektury i horadabudaŭnictva Minharvykankama Viktar Hućko.
Pa jaho słovach, terytoryja Minska pavialičycca na 2,8 tys. ha i składzie kala 38,1 tys. ha. Płanujecca, što žyłym fondam ludziej zmohuć zabiaśpiečyć pa 27,5 kv.m na čałavieka.
Čakajecca, što zaniataść u śfierach pasłuh i vytvorčaj składzie kala 80% i 21% adpaviedna.
Mierkavany ŭzrovień aŭtamabilizacyi — kala 350 mašyn na 1 tys. čałaviek (raźlikovy pakazčyk — adzin aŭtamabil na siamju).
Pavialičvać terytoryju horadu chočuć za košt raźmieščanych krychu na poŭdzień ad Minskaha mora terytoryj Minskaha i Smalavickaha rajonaŭ i pobač z Nacyjanalnym aeraportam Minsk.
«Prajektam hienpłana zachavana dziejučaja stratehija «harady haradoŭ», jakaja praduhledžvaje 30-chvilinnuju dastupnaść žycharoŭ da abjektaŭ paŭsiadzionnaha, pieryjadyčnaha absłuhoŭvańnia i da miescaŭ prykładańnia pracy», — skazaŭ Hućko.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary