Inicyjatyva Maldzis, jakaja viartaje Biełarusi histaryčnyja rarytety, adznačaje pieršy hod i robić heta fiestyvalem, jaki projdzie ŭ Varšavie 7 vieraśnia.
Pačatak 7 vieraśnia a 12:00 u Muziei volnaj Biełarusi. Placoŭka budzie padzielenaja na niekalki zon z roznymi prahramami.
U vystavačnaj zale vy pabačycie histaryčnyja artefakty, jakija inicyjatyva zdabyła dziakujučy biełaruskim miecenatam: Treci Statut VKŁ, Radziviłaŭskaja karta VKŁ i Karta VKŁ Jana Niapreckaha, «Žazło kiravańnia» Simiaona Połackaha i frankamoŭnaje vydańnie «Vialikaje majsterstva artyleryi» Kazimira Siemianoviča.
U dyskusijnaj zale my parazmaŭlajem pra biełaruskaść u 2025 hodzie, paznajomimsia z aktyŭnaściami vypusknikoŭ Letniaj škoły Maldzisa i pasłuchajem muzyku. Kali nadvorje dazvolić, častka aktyŭnaściaŭ projdzie na ŭnutranym dvoryku Muzieja.
PRAHRAMA
12:00 — 12:15 — Adkryćcio fiestyvalu
12:15 — 13:15 — Dyskusija «Kamu cikava i niecikava biełaruskaść siońnia?»
Abmiarkujem, jakoj biełaruskaści choča hramadstva, čamu biełaruščyna nie zachapiła masy i jak heta možna źmianić.
Vystupoŭcy: Ryhor Astapienia, Pavieł Danejka, Nasta Roŭda, Siarhiej Budkin
Maderatarka: Lesia Rudnik
13:15 — 13:30 — Pierapynak u dyskusijnaj zale i ekskursija ŭ vystavačnaj
13:30 — 15:00 — Aktyŭnaści vypusknikoŭ Letniaj škoły Maldzisa
Padrabiaznaści apublikujem pierad samim fiestyvalem.
Maderatarka: Darja Rubleŭskaja
15:00 — 15:15 — Pierapynak u dyskusijnaj zale i ekskursija ŭ vystavačnaj
15:15 — 16:15 — Sieryja karotkich vystupaŭ
• Alaksandr Čarnucha: Što robić muzyku biełaruskaj? Mova, kantekst, pazicyja?
• Cimoch Akudovič: Ci moža «Knižny mahistrat» źmianić biełaruskaje knihavydaviectva?
• Pavieł Macukievič: Navošta zajmacca viartańniem spadčyny?
Maderatar: Ryhor Astapienia
16:15 — 16:30 — Pierapynak u dyskusijnaj zale i ekskursija ŭ vystavačnaj
16:30 — 17:15 — Razmova pra biełaruskuju identyčnaść sa Śviatłanaj Kurs
Śviatłana padzielicca svaimi razvažańniami pra viosku, identyčnaść i sučasnyja vykliki biełaruskaj samatojesnaści.
Maderatar: Alaksandr Ivulin
17:15 — 17:30 — Pierapynak u dyskusijnaj zale i ekskursija ŭ vystavačnaj
17:30 — 18:00 — Muzyčnaje zaviaršeńnie Fiestyvalu, vystup hurta Nochy
18:00 — Zaviaršalnaje słova
Ciapier čytajuć
U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»17
Kamientary