Ukrainski bieśpiłotnik vyvieŭ sa stroju najbujniejšy NPZ «Rasnafty»
Na Razanskim naftapierapracoŭčym zavodzie «Rasnafty» adbyłasia novaja ataka bieśpiłotnika. U vyniku pažaru vyviedziena sa stroju asnoŭnaja ŭstanoŭka AT-6, jakaja zabiaśpiečvała amal pałovu mahutnaściaŭ pradpryjemstva — kala 23 tysiač ton naftapraduktaŭ u sutki, paviedamlaje Reuters sa spasyłkaj na dźvie krynicy ŭ halinie.
AT-6 była adzinaj ustanoŭkaj, jakaja praciahvała pracavać paśla papiaredniaj ataki na zavod u žniŭni, kali pryjšłosia terminova spynić pracu inšych kompleksaŭ. Ciapier adzin z raniej paškodžanych błokaŭ pastupova viartajecca ŭ stroj, tamu zavod pakul pracuje tolki na 23% svajoj mahutnaści. Pavodle acenak krynic Reuters, poŭnaje adnaŭleńnie vytvorčaści moža zaniać kala dvuch tydniaŭ.
Razanski NPZ ličycca najbujniejšym u «Rasnafcie» i zabiaśpiečvaje palivam u tym liku Maskoŭski rehijon. Jon uvachodzić u lik najbujniejšych u Rasii i daje kala 5% ad usioj naftapierapracoŭki krainy. U 2023 hodzie zavod vypuściŭ 2,3 miljona ton bienzinu, 3,4 miljona ton dyzpaliva i bolš za 4 miljonia ton mazutu.
Z pačatku žniŭnia, pa padlikach Reuters, bieśpiłotnyja ataki vyvieli sa stroju kala 17% mahutnaściaŭ rasijskich NPZ. Jak minimum piać zavodaŭ całkam spyniali pracu — Kujbyšaŭski, Novakujbyšaŭski, Sarataŭski, Vałhahradski i Syzranski. Ahulny abjom prastojaŭ u žniŭni dasiahnuŭ 6,4 miljona ton, što stała rekordnym pakazčykam dla haliny.
«Kroŭ vajny». Čym važnyja ataki Ukrainy na rasijskija NPZ i ci jość ad hetaha efiekt
Drony razbambili NPZ u Samary i Krasnadarskim krai. A rasijskaja rakieta ŭščent raźniesła piacipaviarchovik u Kijevie
Piaty NPZ u Rasii spyniŭ pierapracoŭku nafty paśla ataki bieśpiłotnikaŭ
Ukrainskaja raźviedka: Biełaruś nie choča pakryvać rasijski paliŭny deficyt
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Muzyka: A.Pachmutova Słova: N.Dobronravov
S nieba liłovyje padajut źviozdy,
Dažie žiełańje pridumałoś prosto.
Na nieboskłonie privyčnych kvartir
Pusť zahoritsia vieś "russkij mir"!
Pripiev:
Źviezdopad, źviezdopad,
Eto k sčasťju, druźja, hovoriat.
My ostavim bieź bienza s solarkoj
Sumasšiedšich ubijc «putiniat».