U Litvie pakul što nie zafiksavali nijakich pravakacyj u suviazi z vučeńniami «Zachad-2025»
U Biełarusi ciapier iduć sumiesnyja vajskovyja vučeńni z Rasijaj pad nazvaj «Zachad-2025». U litoŭskaj armii adznačajuć, što padčas takich manieŭraŭ mahčymyja pravakacyi, adnak pramoha napadu na Litvu ci NATA nie čakajecca — ryzyka ličycca nizkaj. Kiraŭnik Pamiežnaj słužby Litvy Rustam Lubajeŭ paviedamiŭ LRT, što situacyja na miažy ź Biełaruśsiu zastajecca stabilnaj i spakojnaj.
Pavodle Rustama Lubajeva, pamiežniki nie zaŭvažajuć dadatkovaj aktyŭnaści ź biełaruskaha boku, niama ni vajskovych pierasoŭvańniaŭ, ni inšych padazronych dziejańniaŭ. Spakojna i na miažy z Kalininhradskaj vobłaściu. Hałoŭny litoŭski pamiežnik padkreśliŭ, što pravakacyj pakul taksama nie było.
Pry hetym, jak paviedamiŭ ministr unutranych spraŭ Uładzisłaŭ Kandratovič, Litva pakul pakinuła adkrytymi dva pamiežnyja punkty — u Miednikach i Salečnikach. Kali ž zdarycca pravakacyja, to kiraŭnik pamiežnaj słužby maje prava nieadkładna zakryć hetyja pierachody.
Rustam Lubajeŭ adznačyŭ taksama, što, niahledziačy na zakryćcio polskaj miažy, Litva nie adčuvaje rostu patokaŭ ludziej ci transpartu ź Biełarusi. Pavodle źviestak na poŭdzień suboty, u Miednikach i Salečnikach poŭnaja cišynia: čarhi hruzavikoŭ nie nazirajucca, a ruch lehkavych mašyn navat krychu mienšy, čym zvyčajna.
Vučeńni «Zachad-2025» pačalisia ŭ piatnicu ranicaj. Pavodle danych litoŭskaj armii, u ich udzielničajuć kala 30 tysiač vajskoŭcaŭ. Da 8 tysiač dysłakavana ŭ Biełarusi, kala 4 tysiač — u Kalininhradskaj vobłaści. Hałoŭnaja meta hetych vučeńniaŭ — prademanstravać vajskovuju moc krainam Zachadu.
U samaj Litvie pryniaty dadatkovyja miery biaśpieki: u pavietry dziažurać źniščalniki Ispanii i Vienhryi ŭ ramkach misii NATA, na miažy ź Biełaruśsiu znachodzicca padraździaleńnie supraćpavietranaj abarony ź sistemami karotkaha radyusu dziejańnia. U krainie raskvataravanyja bolš za 4 tysiačy vajskoŭcaŭ sajuźnikaŭ.
Akramia taho, praciahvajecca doŭhaterminovy prajekt umacavańnia miažy: užo zabłakavanyja abo padrychtavanyja da błakavańnia bolš za dva dziasiatki zapasnych daroh, jakija mahli b vykarystoŭvacca dla praniknieńnia ź Biełarusi i Rasii.
Na vučeńniach «Zachad-2025» adpracoŭvali źniščeńnie dyviersantaŭ
Polskaje vydańnie nazvała Cierciela architektaram śpiecapieracyi, jakaja razhortvajecca paralelna z vučeńniami «Zachad»
Na vučeńniach «Zachad» adpracoŭvajuć napad na Polšču i Litvu pad vyhladam abarony Kalininhrada
Mižnarodnyja ekśpierty acanili rasijski kantynhient na vučeńniach «Zachad-2025»
Litoŭskaja armija: Ryzyka napadu padčas vučeńniaŭ «Zachad» nizkaja, ale vierahodnaść pravakacyj uzrasła
Kamientary