Armija Izraila ŭ noč na aŭtorak paśla niekalkich tydniaŭ bambardzirovak i avijaŭdaraŭ pačała nastup na horad Haza, piša Bi-bi-si.
Jerusalem Post, sajt telekanała Al-Džazira i inšyja anhłamoŭnyja vydańni pieradajuć sa spasyłkaj na paleścinskija krynicy, što izrailskija tanki ŭvajšli ŭ centr horada.
Al-Džazira i hazieta Times Of Israel taksama paviedamlajuć, što ŭ apošnija hadziny izrailskaja armija ŭzmacniła ŭdary pa Hazie. Ahienctva AFP piša, spasyłajučysia na miascovych žycharoŭ, pra mahutnuju bambardziroŭku, jakaja nie spyniajecca, ale ničoha nie paviedamlaje pra nastup.
Rašeńnie zaniać horad Haza ŭrad Izraila pryniaŭ bolš za miesiac tamu, u pačatku žniŭnia. Pavodle słoŭ premjer-ministra Bińjamina Nietańjachu i jaho ministraŭ, u Hazie raźmiaščajucca važnyja apornyja punkty hrupoŭki CHAMAS, jakuju jany paabiacali źniščyć.
Abviaściŭšy pra namier zaniać horad Haza na poŭnačy nazvanaha pa im siektara, izrailcianie zaklikali žycharoŭ horada evakujavacca ŭ centr i na poŭdzień siektara. Adnak, jak pišuć mnohija vydańni, pavodle prybliznych acenak, evakujavalisia kala 300 tysiač z prykładna miljona palestyncaŭ, što znachodzilisia ŭ horadzie Haza.
Ciapier čytajuć
Polšča nie adkryje miažu i paśla skančeńnia vučeńniaŭ «Zachad»49
Kamientary