Mužu Kaci Andrejevaj, žurnalistu Iharu Iljašu dali čatyry hady kałonii
16 vieraśnia adbyłosia apošniaje pasiadžeńnie Minskaha haradskoha suda pa spravie žurnalista i palityčnaha analityka Ihara Iljaša, na jakim jamu vynieśli prysud — čatyry hady kałonii.
Prakuror zapatrabavaŭ dla jaho 4 hady źniavoleńnia i 100 bazavych adzinak štrafu.
U piatnicu Iharu Iljašu było dadziena apošniaje słova, u jakim jon adchiliŭ usie abvinavačańni ŭ inkryminavanych jamu złačynstvach, a svaju vinu nie pryznaŭ.
Žurnalista Ihara Iljaša abvinavačvali ŭ dyskredytacyi Respubliki Biełaruś i ŭ sadziejničańni ekstremisckaj dziejnaści. Pra jaho zatrymańnie 22 kastryčnika 2024 hoda paviedamili praŭładnyja ŚMI, śćviardžajučy, što žurnalist davaŭ intervju niezaležnym i zamiežnym miedyjam, u tym liku ŭkrainskim, što nibyta mahło być vykarystana suprać dziaržavy.
Sam Iljaš na videazapisie adznačyŭ, što da lipienia 2021 hoda pracavaŭ na telekanale «Biełsat», paśla čaho staŭ fryłansieram. Jon pryznavaŭ, što davaŭ intervju roznym ŚMI, u tym liku tym, što ŭ Biełarusi pryznanyja «ekstremisckimi farmavańniami».
22 listapada 2024 hoda pravaabaroncy pryznali Ihara Iljaša palityčnym viaźniem. Raniej, u lipieni 2021 hoda, jaho ŭžo zatrymlivali na 10 sutak pa inšaj spravie, jakaja dalejšaha raźvićcia nie atrymała.
Žonka Iljaša, Kaciaryna Andrejeva (Bachvałava), razam ź videaapieratarkaj Darjaj Čulcovaj była zatrymanaja 15 listapada 2020 hoda padčas tranślacyi razhonu ludziej, jakija pryjšli ŭšanavać pamiać aktyvista Ramana Bandarenki. U lutym 2021 hoda sud pryhavaryŭ ich da dvuch hadoŭ pazbaŭleńnia voli, pryznaŭšy palityčnymi viaźniami.
U lipieni 2022 hoda Kaciaryna Andrejeva atrymała 8 hadoŭ pazbaŭleńnia voli pa abvinavačańni ŭ zdradzie dziaržavie, z ulikam papiaredniaha prysudu termin skłaŭ 8 hadoŭ i 3 miesiacy. Jaje skarhu ŭ Viarchoŭnym sudzie ŭ vieraśni 2022 hoda nie zadavolili, ale farmuloŭku abvinavačańnia źmianili na «špijanaž».
Ciapier čytajuć
Bližejšym časam buduć vyzvaleny bolš za 150 palitźniavolenych24
Kamientary
Choć by z-za takich, jak jany, nie prypyniŭsia ŭvieś praces vyzvaleńnia astatnich.
Dumać treba nie tolki pra siabie: "iakim čynam mianie vyzvalili, chaču-nie chaču", a pra ŭsich astatnich, chto jašče ŭ turmie i kamu novyja terminy nakidvajuć.
Davajcie dačakajemsia, kali ŭsich vyciahniem z turmaŭ, a potym budziem asabistyja "chaču tak, a tak nie chaču" vyrašać.