Siastra zaścierahła pažyłuju minčanku ad pieravodu machlaram usich hrošaj
U milicyju źviarnułasia 67‑hadovaja minčanka, jakoj patelefanavali łžesupracoŭniki apieratara suviazi i Nacbanka.
Siastra ŭratavała pažyłuju minčanku ad pieravodu machlaram usich hrošaj, paviedamlaje pres-słužba milicyi.
U milicyju źviarnułasia 67‑hadovaja minčanka, jakoj patelefanavali łžesupracoŭniki apieratara suviazi i Nacyjanalnaha banka. Jany pierakanali minčanku ŭ tym, što z dapamohaj jaje numara i bankaŭskaha rachunku ździajśniajucca machinacyi na handlovaj internet-placoŭcy.
Tamu ciapier žančyna abaviazana vypłacić 40 tysiač ašukanym ludziam. Piensijanierka spałochałasia i pavieryła, što ŭ jaje kvatery projdzie pieratrus, a ŭsie najaŭnyja hrošy kanfiskujuć. Kab hetaha nie adbyłosia, minčanka pakłała svaje nazapašvańni na kartku. Br8 tys. jana pieraviała na nibyta biaśpiečny rachunak, ale paśla hetaha kartku zabłakavali. Afierysty parekamiendavali joj adkryć jašče adnu kartku, adnak tam tranzakcyja nie prajšła.
Piensijanierka ŭvieś čas zastavałasia na suviazi z ašukancami, z-za čaho admianiła pajezdku da siastry. Pryčynu žančyna nazvać nie zmahła, patłumačyŭšy, što heta «tajamnica śledstva». Pačuŭšy heta, svajačka paraiła piensijaniercy nieadkładna telefanavać u milicyju.
Kamientary
[Zredahavana]