U Łukašenki raspracavali płan ratavańnia byłoha saŭhasa «Haradziec»
Kiraŭnictva spravami Łukašenki raspracavała śpiecyjalnuju prahramu pa vyvadu sielskahaspadarčaha pradpryjemstva «ASB-Ahra Haradziec» Škłoŭskaha rajona, u jakim Łukašenka byŭ dyrektaram da svajho prychodu da ŭłady, na stabilnuju, efiektyŭnuju i prybytkovuju pracu, piša BiełTA.
Raniej na pradpryjemstvie ŭźnikli prablemy, jakija vyklikali krytyku z boku Alaksandra Łukašenki padčas jahonaha naviedvańnia hetaha važnaha dla siabie miesca. Hetyja niedachopy datyčylisia arhanizacyjnych i vytvorčych aśpiektaŭ dziejnaści pradpryjemstva.
Kiraŭnik Kiraŭnictva spravami Łukašenki Juryj Nazaraŭ raskazaŭ, što dla vyrašeńnia prablem praviedziena sieryja sustreč i ahladaŭ abjektaŭ razam z abłasnym i rajonnym vykanaŭčymi kamitetami. Byli vyznačanyja kankretnyja mierapryjemstvy, jakija nieabchodna realizavać, a ciapier raspracoŭvajecca dakładny płan pa terminach i vydatkach na ich vykanańnie.
Meta prahramy — zrabić pradpryjemstva prybytkovym, kab jano mahło raźvivacca i ŭkładvać srodki ŭ svaju infrastrukturu.
Juryj Nazaraŭ adznačyŭ, što viasnoj Łukašenka znoŭ źbirajecca pajechać u «Haradziec», dzie jamu pakažuć abnoŭlenuju infrastrukturu vytvorčaści, a taksama novyja abjekty, jakija ŭžo pabudavanyja abo buduć pabudavanyja ŭ najbližejšy čas.
Łukašenka naviedaŭ były saŭhas «Haradziec» 27 vieraśnia, viartajučysia ŭ Minsk paśla pajezdki ŭ Maskvu. Ciapierašnim stanam svajoj byłoj haspadarki jon byŭ zusim nie zadavoleny. Jamu vielmi nie spadabałasia, jak zachoŭvajuć zapčastki na mašynnym dvary. I siońnia «Haradziec», maŭlaŭ — nie samaja horšaja, ale adna z najhoršych haspadarak: «Heta hańba dla prezidenta… Da takoha stanu daviali».
Mienavita tady Łukašenka daŭ daručeńnie miascovym uładam i kiraŭnictvu svajho Kiraŭnictva spravami da viasny navieści «idealny paradak».
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary
Jeśli i UDP dołho s nim nie protianiet, to otdadut Nacionalnomu banku Hołovčienko.
vyviełzavioł svoj sovchoz ČUP «Horodiec» v millioniery po ubytkam.