Pres-słužba MUS paviedamiła, što supracoŭniki HUBAZiKa pry padtrymcy śpiecyjalnych padraździaleńniaŭ MUS zatrymali 19 arhanizataraŭ i ŭdzielnikaŭ niezakonnaj hrupy, jakaja zajmałasia machlarstvam z staŭkami na sport.
Jak śćviardžajuć siłaviki, z 2021 hoda i da siońniašniaha času fihuranty spravy padmannym šlacham atrymlivali hrošy ad hramadzian, jakija rabili staŭki na sajcie papularnaj bukmiekierskaj kantory 1XBET. Na sajcie tranślavalisia damoŭnyja turniry pa baskietbole i tenisie, jakija arhanizoŭvali zatrymanyja.
Padčas pieratrusaŭ na spartyŭnych abjektach i ŭ ofisach Minska i Minskaj vobłaści kanfiskavali techniku, dakumienty, hrašovyja srodki i kryptaaktyvy na sumu kala paŭmiljona dalaraŭ. Usiaho vyjavili kala 200 udzielnikaŭ hetych padstaŭnych spartyŭnych spabornictvaŭ. Kiraŭniki hrupy raniej niekalki hadoŭ znachodzilisia ŭ vyšuku siłavikami Rasii.
Ciapier u Biełarusi zaviali kryminalnuju spravu za machlarstva ŭ składzie arhanizavanaj hrupy ŭ asabliva bujnym pamiery. Zatrymanym pahražaje da 12 hadoŭ pazbaŭleńnia voli. Pracu pa vyjaŭleńni ŭsich paciarpiełych praciahvajuć.
Ciapier čytajuć
Siłaviki raskazali, za što praviali chapun na tenisnym matčy6
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary