Pra heta kiraŭnik dziaržavy zajaviŭ u aŭtorak u intervju ahienctvu Reuters.
«Ja da hetaj pary schilny da taho, što jany pavinny prajści, hetyja vybary, nu, napeŭna, u pačatku nastupnaha hoda, paśla skančeńnia terminu paŭnamoctvaŭ dziejnaha prezidenta»,
— zajaviŭ Alaksandr Łukašenka ŭ intervju ahienctvu Reuters 4 maja. Frahmienty hutarki byli pakazanyja pa biełaruskich telekanałach.
U adpaviednaści z zakanadaŭstvam prezidenckija vybary pavinny być pryznačanyja nie paźniej čym za piać miesiacaŭ i pravodziacca ŭ niadzielu nie paźniej čym za dva miesiacy da skančeńnia terminu paŭnamoctvaŭ papiaredniaha prezidenta. Takim čynam, krajni termin praviadzieńnia prezidenckich vybaraŭ — 6 lutaha 2011 hoda.
U intervju BiełaPAN staršynia Centrvybarkama
Lidzija Jarmošyna nie vyklučaje praviadzieńnia prezidenckich vybaraŭ vosieńniu 2010 hoda «Kaniečnie, vybary było b zručniej pravieści da Novaha hoda. Byŭ by inšy nastroj u hramadstvie», — ličyć jana.
Jarmošyna padkreśliła, što nakont daty prezidenckich vybaraŭ ź joj «nichto nie raiŭsia». «Data prezidenckich vybaraŭ — pytańnie palityčnaje. Ale Centrvybarkam pavinien razhladać pytańnie praviadzieńnia vybaraŭ u tym liku ŭ praktyčnaj płoskaści. Mnie b nie chaciełasia ŭžo ŭ vieraśni pačynać aktyŭnuju pracu, ale ja b z razumieńniem pastaviłasia da pryznačeńnia vybaraŭ na vosień», — skazała Jarmošyna.
Jana taksama adznačyła, što prezidenckija vybary pryznačaje parłamient. Pavodle słoŭ kiraŭnika CVK, kali nie pravodzić pazačarhovych parłamienckich siesij, to data vybaraŭ nie moža być pryznačanaja raniej za kastryčnik.
Na dumku šerahu analitykaŭ,
pryznačeńnie prezidenckich vybaraŭ vosieńniu vyhadna ŭładam, tak jak zbłytaje karty palityčnym apanientam Łukašenki.
Akramia taho, ekśpierty nie vyklučajuć upłyvu ekanamičnych faktaraŭ padčas pryznačeńnia daty prezidenckich vybaraŭ. Pavodle ich mierkavańnia, paharšeńnie supracoŭnictva z Rasijaj moža pryvieści da rezkaha padaražańnia enierhanośbitaŭ, a značyć, i rostu cen u pačatku 2011 hoda. U takich umovach rejtynh Łukašenki moža istotna źnizicca.
U 2006 hodzie vybary prezidenta Biełarusi pavinny byli prajści letam, adnak ich datu pieranieśli na sakavik. Heta stała niečakanaściu dla apazicyi, pradstaŭniki jakoj zajaŭlali, što im nie chapiła času na raskrutku svajho kandydata.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary