Złačynstva ŭčyniŭ pjany viciebski elektryk, što pryjechaŭ u miastečka ŭ kamandziroŭku.
88‑hadovy pravasłaŭny śviatar, nastajaciel chrama Praśviatoj Baharodzicy ŭ Miorach ajciec Mikałaj Rundo paciarpieŭ ad pjanaha dzieciuka. Zdareńnie adbyłosia 5 traŭnia.
40‑hadovy elektryk pryjechaŭ u kamandziroŭku ź Viciebsku ŭ Miory — ładzić pravodku ŭ miascovaj aptecy. U pieršy ž dzień jon mocna napiŭsia dy zabłukaŭ u nieznajomym horadzie.
U dom da śviatara pahrukaŭ, kab spytać darohu da svajho hatela.
Ale, kali pjany pabačyŭ 88‑hadovaha śviatara, čamuści razzłavaŭsia i pačaŭ łajacca na staroha, a potym adabraŭ ŭ taho kijok i mocna źbiŭ.
Śviatar trapiŭ u lakarniu z traŭmaj hałavy, a elektryk — u pastarunak. Milicyja pačała kryminalnuju spravu.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary