«Jašče adzin pazityŭny krok Łukašenki». Džon Koŭł prakamientavaŭ vyzvaleńnie 31 ukrainca
Śpiecyjalny pasłańnik ZŠA pa Biełarusi Džon Koŭł u sacsietcy X pryvitaŭ vyzvaleńnie 31 hramadzianina Ukrainy ŭ Biełarusi, zajaviŭšy, što heta jašče adzin pazityŭny krok Alaksandra Łukašenki na šlachu da dasiahnieńnia bolš maštabnych metaŭ.
«Paśla pieramovaŭ ź Biełaruśsiu siońnia z turmy byŭ vyzvaleny 31 ukrainiec. Dziakuj kiraŭniku HUR MA Ukrainy Kiryłu Budanavu za ciesnaje supracoŭnictva ŭ ramkach hetaj ździełki. Heta jašče adzin pazityŭny krok prezidenta Łukašenki na šlachu da dasiahnieńnia bolš maštabnych metaŭ.
U jakaści śpiecyjalnaha pradstaŭnika prezidenta ŭ Biełarusi ja viadu hetyja pieramovy z [namieśnikam pamočnika dziaržsakratara ZŠA pa Uschodniaj Jeŭropie, palitycy i rehijanalnych pytańniach] Krysam Śmitam i pry aktyŭnaj padtrymcy Donalda Trampa», — napisaŭ Koŭł.
9 listapada prezident ZŠA Donald Tramp pryznačyŭ Džona Koŭła na pasadu śpiecyjalnaha pasłańnika ZŠA pa Biełarusi. Taksama jon tady zajaviŭ, što Koŭł viadzie pieramovy ab vyzvaleńni nastupnaj partyi palitviaźniaŭ.
Vyjšaŭ na svabodu palitviazień Michaił Stalarčuk
U HUR padziakavali amierykancam za vyzvaleńnie źniavolenych ukraincaŭ i adznačyli «kanstruktyŭnuju pazicyju kiraŭnictva Biełarusi»
«Mama, ja doma!» — «Jak doma?!» Adna z vyzvalenych ukrainak — dziaŭčyna Julija VIDEA
Vyzvalenaja 18‑hadovaja palitźniavolenaja Maryja Misiuk
Kamientary