Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
Prezident ZŠA Donald Tramp taksama paviedamiŭ u svajoj sacyjalnaj sietcy Truth Social pra toje, što Džon Koŭł budzie pryznačany na pasadu śpiecyjalnaha pasłańnika Złučanych Štataŭ u Biełarusi.
«Ja rady abviaścić, što Džon Koŭł, viadomy jak adzin z sapraŭdy VIALIKICH jurystaŭ našaj krainy, čyje pieramohi ŭklučajuć pieršaje bujnoje vyjhryšnaje sudovaje raźbirańnie suprać tytuniovaj industryi, naminujecca na pasadu śpiecyjalnaha pasłańnika Złučanych Štataŭ u Biełarusi.
Jon užo paśpiachova damoviŭsia ab vyzvaleńni 100 zakładnikaŭ i ciapier pracuje nad tym, kab vyzvalić jašče 50.
Ja chacieŭ by zahadzia padziakavać vysokapavažanamu prezidentu Biełarusi Alaksandru Łukašenku za jaho razhlad pytańnia ab vyzvaleńni hetych dadatkovych ludziej.
Dziakuju za ŭvahu da hetaj spravy!», — adznačyŭ jon u svaim dopisie.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary