U Paŭnočnym Bierazie pačali budoŭlu pieršaj škoły. Voś jakoj jana budzie
Zabudoŭščyk prystupiŭ da aktyŭnaj fazy budaŭnictva novaj škoły ŭ Paŭnočnym Bierazie. Płanujecca, što ŭstanovu na 1200 vučniaŭ z dvuma basiejnami zdaduć u 2027 hodzie, piša Realt.
Škoła raźmieścicca ŭ čaćviortym kvartale kompleksu, na ŭčastku 3,5 hiektara. Vakoł budynku buduć zialonyja zony z łandšaftnym dyzajnam.
Dla pačatkovaj škoły ŭ dvary zabudoŭščyk abstaluje vialikuju hulniavuju placoŭku, a ŭ samoj škole źjaviacca interaktyŭnyja zony adpačynku dla małodšych i starejšych kłasaŭ.
— Pakul što my nie prapanujem nijakaj supier-hrafiki na ścienach. Chočacca zamiest hetaha napaŭniać interjer cikavaj meblaj, materyjałami, śviacilniami, nie pierahružajučy jaho vizualna. U maim ujaŭleńni, školnaje asiarodździe pavinna być tolki fonam dla dziaciej, jakija ŭžo sami buduć vyrašać, čym tam zajmacca ŭ volny čas, — kaža architektar prajektnaj arhanizacyi «Minskhramadzianprajekt» Julija Łyhina.
U novaj škole budzie adrazu dva basiejny: dla małodšych kłasaŭ i dla starejšych. Vialiki 25‑mietrovy basiejn možna budzie vykarystoŭvać i dla patreb rajona. Dla absłuhoŭvańnia žycharoŭ praduhledziać asobny ŭvachod.
Taksama ŭ škole zaprajektavanyja małaja i vialikaja spartyŭnyja zały, abstalavanaja trenažornaja zała.
Na pryškolnaj terytoryi raźmieściacca dźvie valejbolnyja i baskietbolnyja placoŭki, a taksama adkrytaja vorkaŭt zona. Poŭnapamierny futbolny stadyjon z kruhavym biehavym trekam i trybunami dla zaŭziataraŭ stanie miescam praviadzieńnia školnych spartyŭnych turniraŭ.
Darečy, farmavańnie nastaŭnickaha składu dla novaj škoły ŭžo pačałosia.
Adkryćcio novaj škoły, napeŭna, aceniać žychary nie tolki Paŭnočnaha Bieraha. Bo heta dapamoža vyrašyć prablemu niedachopu adukacyjnych miescaŭ i pazbavić baćkoŭ nieabchodnaści dalokich pajezdak.
— Naša meta — stvaryć centr raźvićcia, dzie vučni zmohuć raści, vučycca i raskryvać svaje talenty. My chočam, kab škoła zabiaśpiečyła kamfortny i efiektyŭny navučalny praces jak dla vučniaŭ, tak i dla piedahohaŭ, — adznačaje Anton Rusakievič, dyrektar kampanii-zabudoŭščyka Paŭnočnaha Bieraha.
Budaŭnictva škoły dla zabudoŭščyka — častka maštabnaj stratehii raźvićcia infrastruktury kompleksu. U dalejšym u Paŭnočnym Bierazie płanujecca budaŭnictva jašče 12 škoł i 17 dziciačych sadoŭ, a taksama Instytuta štučnaha intelektu, što značna palepšyć adukacyjnyja ŭmovy ŭ rajonie.
«Paŭnočny Bierah» — žyły kompleks na bierazie Cnianskaha vadaschovišča, jaki realizuje TAA «Ryviersajd Deviełapmient Limited». Siońnia ŭ kompleksie aktyŭna budujuć jak žyłyja damy, tak i sacyjalnuju infrastrukturu. 13 žyłych damoŭ u kompleksie ŭžo zdadzienyja, jašče 26 damoŭ i 2 cyrulni — u pracesie budoŭli.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary