U Minsku pastaviać na rekanstrukcyju kinateatry «Aŭrora» i «Kastryčnik»
U Minsku źbirajucca praciahvać madernizacyju haradskich kinateatraŭ. Kiraŭnik pradpryjemstva «Kinavideaprakat» Uładzimir Karačeŭski paviedamiŭ, što paśla abnaŭleńnia interjeraŭ «Rakiety» i «Salutu» i adkryćcia ŭ 2025 hodzie novaha čatyrochzalnaha kinateatra «Maskva» ŭ płanach — kapitalnaja rekanstrukcyja «Aŭrora» i «Kastryčnik», pišuć «Minsk-Naviny».
Zaraz u składzie «Kinavideaprakata» pracujuć 13 kinateatraŭ z 31 załaj, jakija razam mohuć pryniać kala 6,8 tysiačy hledačoŭ. Za 10 miesiacaŭ hetaha hoda ich naviedali bolš jak 798 tysiač čałaviek — na 6% bolš, čym za taki ž pieryjad letaś.
Karačeŭski adznačyŭ, što ciapier adčuvajecca niedachop filmaŭ, jakija mahli b pryciahnuć šyrokaha hledača. Niahledziačy na heta, u afišy štotydzień prapanujuć ad 20 da 40 karcin roznych žanraŭ: ad retraśpiektyŭ i tematyčnych pakazaŭ da fiestyvalnaha kino i artchausu. Pradpryjemstva taksama šukaje cikavyja filmy z krain, jakija raniej amal nie pakazvali ŭ Biełarusi, naprykład z Paŭdniovaj Amieryki ci Uschodniaj Azii.
Pavodle jaho, kinateatry kankurujuć z anłajn-servisami, tamu im davodzicca vyvučać zamiežny dośvied — u Rasii, Kitai, AAE, Indyi i inšych krainach — i šukać novyja farmaty pracy, kab pryciahnuć sučasnuju aŭdytoryju. Staršynia Minharvykankama taksama daručyŭ padumać nad tym, jak zrabić tematyčnyja pakazy bolš cikavymi i pavialičyć naviedvalnaść.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary