U Varšavie padčas fiestyvalu Pradmova adbyŭsia ŭstanoŭčy schod Asacyjacyi biełaruskich vydaŭcoŭ. U jaje ŭvajšli 11 suzasnavalnikaŭ, jakija pradstaŭlajuć roznyja vydaviectvy abo inicyjatyvy. Było abrana kiraŭnictva i sfarmiravana revizijnaja kamisija, paviedamlaje Reform.news.
Ciapier asacyjacyja płanuje zarehistravacca pavodle polskaha zakanadaŭstva i na praciahu nastupnaha hoda realizavać niekalki prajektaŭ dla padtrymki vydavieckaj supolnaści.
Staršynia navastvoranaj asacyjacyi Valancina Andrejeva, redaktarka krakaŭskaha biełaruskaha vydaviectva Gutenberg, adznačyła, što ideja prafiesijnaha abjadnańnia niezaležnych vydaŭcoŭ isnavała daŭno, ale realizavać jaje atrymałasia tolki ciapier, u emihracyi. Jana patłumačyła, što sumiesnaja praca i kaardynacyja nieabchodnyja, bo našy vydaŭcy nie kankurenty, a supolna pracujuć dziela zabieśpiačeńnia patreb biełaruskaha hramadstva ŭ roznych knihach.
Siarod asnoŭnych zadač asacyjacyi — udzieł u mižnarodnych knižnych kirmašach, pavyšeńnie bačnaści biełaruskaj knihi za miažoj, prasoŭvańnie pradukcyi ŭ ŚMI, a taksama arhanizacyja tematyčnych i rehularnych mierapryjemstvaŭ dla čytačoŭ i prafiesijanałaŭ.
Asacyjacyja budzie dziejničać jak niekamiercyjnaje abjadnańnie prafiesijanałaŭ, pradstaŭlać vydaŭcoŭ u kantaktach z aŭtarami, ahienctvami i instytutami, a taksama šukać padtrymku i vykazvać sumiesnuju pazicyju pa važnych pytańniach.
Niahledziačy na rehistracyju ŭ Polščy, da asacyjacyi mohuć dałučycca vydaŭcy ź luboj krainy.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary