14 vieraśnia, a 18.00, u klubie «Kletka» adbudziecca kancert alternatyŭnaj biełaruskaj muzyki. Vystupiać SOK, Uspliosk, Milk, Mauser Papanina, CKBOT i Plastic Fish.
14 vieraśnia, a 18.00, u klubie «Kletka» adbudziecca kancert alternatyŭnaj biełaruskaj muzyki. «Vystupiać samyja modnyja i enerhičnyja hurty», - adznačaje Siarhiej, adzin z udzielnikaŭ alternatyŭnaj muzyčnaj kampanii Boom, što zajmajecca arhanizacyjaj hetaj chard-kor imprezy. «Heta budzie nia prosta kancert. Heta budzie vielmi fajny kancert: samaja śviežaja muzyka, samyja prasunutyja hurty, jakija sapraŭdy ŭmiejuć hrać chard-kor i metał», - dadaje Siarhiej.
Kancert, nasamreč, abiacaje stać hrandyjoznaj padziejaj u žyćci biełaruskaha anderhraŭndu. Kali jašče źjavicca mahčymaść za adzin viečar i ŭ adnym klubie pačuć Uspliosk, Milk, Mauser Papanina. CKBOT i Plastic Fish? A mienavita taki skład hurtoŭ čakajecca na kancercie. Pryčym ched-łajneram vystupić hurt SOK, što nia tak daŭna vypuściŭ debiutny albom. Svoj vystup na kancercie sami ŭdzielniki hurta nazyvajuć čarhovaj prezentacyjaj svajoj płyty.
«Albom vyjšaŭ jašče naprykancy viasny. Spačatku my prezentavali jaho ŭ adnym ź mienskich klubaŭ, paśla ŭ Homieli. Ale tolki 14-aha ŭ nas budzie mahčymaść adyhrać jaho całkam – usie dvanaccać trekaŭ!» - adznačyŭ Alaksiej, hitaryst kamandy. Dysk rasiejskamoŭny i maje nazoŭ «Prisojediniajsia k nam!». Albom ujaŭlaje saboj svojeasablivuju antalohiju tvorčaści hurta – u jaho ŭvajšli pieśni, stvoranyja na praciahu 2002-2006 hh., a taksama videa na adzin z trekaŭ. Pa słovach muzykaŭ, zaraz jany pracujuć nad novym albomam, u jaki vojdzie dobraviadomy «Miensk – horad svabody» i inšyja biełaruskamoŭnyja śpievy hurta. Alaksiej upeŭnieny: «Budzie šmat našych fanataŭ. Ja nie ździŭlusia, kali ŭvieś klub budzie naš. Darečy, kožnaha, chto prydzie ŭ klub, čakaje pryjemny siurpryz».
Klub «Kletka» mieścicca na vuł. Broŭki, 22. Za dadatkovaj infarmacyjaj źviartajciesia pa telefonach (017)2048533, 7523209, 3048533, 7732827.
❏
Fota usplesk.org
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary