Žychar Mazyrskaha rajona atrymaŭ 10 hadoŭ za razbeščvańnie školnic

Pavodle śledstva, u lipieni 2023 hoda mužčyna tajemna zarehistravaŭ na numar telefona maci fejkavuju staronku ŭ sacyjalnaj sietcy «VKontaktie».

Pad vydumanym mužčynskim imiem jon ustupaŭ u pierapisku sa školnicami, vydajučy siabie za maładoha chłopca. Jon raskazvaŭ dzieciam pra parnahrafiju, roznyja formy seksualnych adnosin, prasiŭ dasłać nieprystojnyja videa– i fotazdymki svajho cieła, nastojliva prapanoŭvaŭ asabistyja sustrečy dla intymnych zabaŭ, u tym liku za materyjalnuju ŭznaharodu.

Dźvie školnicy paddalisia cikaŭnaści i pahadzilisia pahutaryć z «chłopcam» na vulicy ŭ prysutnaści svaich siabrovak. U adnym vypadku, ubačyŭšy na sustrečy darosłaha mužčynu, dziaŭčynka ź siabroŭkaj paśpiašalisia dadomu, i ŭ dalejšym jana spyniła ź im znosiny. U druhim vypadku školnica praciahnuła pierapisku.

Ustanoŭlena 45 epizodaŭ złačynnaj dziejnaści fihuranta, učynienych na praciahu paŭtara hoda.

Paciarpiełymi pryznany 35 čałaviek va ŭzroście 12—15 hadoŭ, ź jakich bolšaja častka pražyvaje na terytoryi Homielskaj vobłaści, niekalki asob — u inšych abłaściach.

Siarod paciarpiełych — 15‑hadovy junak, jaki dziela zabavy mieŭ znosiny ŭ sacyjalnaj sietcy z fejkavaj staronki pad vyhladam dziaŭčynki.

Abvinavačany admoviŭsia ad dačy pakazańniaŭ, vinu nie pryznaŭ.

Na padstavie sabranych pa spravie dokazaŭ žycharu Mazyrskaha rajona pradjaŭlena abvinavačańnie pa niekalkich artykułach Kryminalnaha kodeksa Respubliki Biełaruś:

č. 2 art. 169 (raspusnyja dziejańni, učynienyja asobaj, jakaja dasiahnuła vasiemnaccacihadovaha ŭzrostu, u dačynieńni da asoby, jakaja zaviedama nie dasiahnuła šasnaccacihadovaha ŭzrostu, u dačynieńni da zaviedama małaletniaj);

č. 2 art. 343 (raspaŭsiudžvańnie asobie, jakaja zaviedama nie dasiahnuła šasnaccacihadovaha ŭzrostu, parnahrafičnych materyjałaŭ, učynienaje asobaj, jakaja dasiahnuła vasiemnaccacihadovaha ŭzrostu);

č. 3 art. 343‑1 (vykarystańnie zaviedama małaletniaha dla vyrabu parnahrafičnych materyjałaŭ ź jaho vyjavaj, učynienaje asobaj, jakaja raniej učyniła złačynstva, praduhledžanaje art. 343 KK Respubliki Biełaruś, z vykarystańniem hłabalnaj kampjutarnaj sietki Internet);

č. 3 art. 172 (uciahvańnie asobaj, jakaja dasiahnuła vasiemnaccacihadovaha ŭzrostu, zaviedama niepaŭnaletniaha va ŭčynieńnie asabliva ciažkaha złačynstva šlacham abiacańniaŭ, padmanu abo inšym sposabam).

Sudom žycharu Mazyrskaha rajona pryznačana pakarańnie ŭ vyhladzie pazbaŭleńnia voli na termin 10 hadoŭ z adbyvańniem u papraŭčaj kałonii va ŭmovach uzmocnienaha režymu. 

• 2
• 0
• 1
• 0
• 0
• 0
• 0
• 0