Lidery rep‑mietału ŭpieršyniu zavitajuć u Biełaruś.
Jak stała viadoma «Tuzinu Hitoŭ», lidery rep‑mietału ŭpieršyniu zavitajuć u Biełaruś. Amierykancy daduć kancert u «Minsk‑arenie» 5 kastryčnika. Mahčyma, što z Fredam Derstam praśpiavaje repier Siaroha, jaki maje ŭžo dośvied supracy z hetym hurtom.
Limp Bizkit isnujuć užo 16 hadoŭ. Suśvietnuju słavu jany nabyli ŭ 1999 hodzie, kali vydali albom Significant Other. Kružełka stała multypłacinavaj. Nastupny ich albom Chocolate Starfish and the Hot Dog Flavored Water staŭ płacinavym za pieršy tydzień prodažaŭ (heta značyć prodažy siahali miljonu asobnikaŭ za niekalki dzion) i atrymaŭ premiju MTV, jak najlepšy dysk u śviecie. Padmacavany pośpiech byŭ saŭndtrekam da filmu «Misija nievykanalnaja — 2». U adnym z turaŭ kamandu padtrymali Metallica, Linkin Park i Deftones.
Upieršyniu na postsavieckaj prastory hurt syhraŭ letaś, kali daŭ dva anšłahavyja kancerty ŭ Pieciarburhu i Maskvie. Cikava, što na razahrevie ŭ amierykanskich niu‑mietalistaŭ vystupaŭ repier ź Biełarusi Siaroha, jaki navat vykanaŭ z Limp Bizkit sumiesny tvor, praŭda hety ekśpierymient vyklikaŭ abureńnie prychilnikaŭ kamandy.
Limp Bizkit vystupić u biełaruskaj stalicy 5 kastryčnika ŭ «Minsk‑arenie», dzie ŭžo hrali Rammstein i Scorpions, a nieŭzabavie vystupić Ełtan Džon. Płanujecca, što kvitki na šou amierykancaŭ buduć kaštavać pa 100—200 tysiač rubloŭ.
-
Śpiavačka Lera Jaskievič padzialiłasia bolem: «Mahčyma, ja nie zmahu vypuskać pieśni pad svaim imiem». Što zdaryłasia?
-
Ci budzie hurt «Piatla prychilnaści» praciahvać vystupać z novym vakalistam, bieź Illi Čarapko?
-
«Usie pieśni vydalenyja». Papularnaja błohierka Andžyliša pasvaryłasia z kampanijaj, źviazanaj ź niaviestkaj Łukašenki
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary