Łukašenka sumniavajecca ŭ metazhodnaści niekatorych prapanavanych źmianieńniaŭ u PDR

Alaksandr Łukašenka vykazaŭ sumnieńni ŭ metazhodnaści šeraha prapanavanych źmianieńniaŭ u Praviły darožnaha ruchu. Pra heta išła razmova siońnia ŭ čas dakłada kiraŭniku dziaržavy pa prajektu ŭkaza «Ab uniasieńni dapaŭnieńniaŭ i źmianieńniaŭ u Praviły darožnaha ruchu».

Jak adznačyŭ Alaksandr Łukašenka, pytańni harantavańnia biaśpieki darožnaha ruchu zakranajuć niepasredna pravy i zakonnyja intaresy praktyčna ŭsiaho nasielnictva krainy. Kiraŭnik dziaržavy adznačyŭ, što ŭ suviazi z važnaściu hetych pytańniaŭ jašče ŭ 2005 hodzie było pryniata rašeńnie ab zaćviardžeńni Pravił darožnaha ruchu na ŭzroŭni prezidenta. «Čamu heta było zroblena? Tady było skazana, što Praviły darožnaha ruchu — surjoznaja reč, karektavać ich takomu surjoznamu viedamstvu, jak MUS, abo kamu b tam ni było, nielha. I paśla taho, jak minuła piać hadoŭ, ja pierakonvajusia, što heta rašeńnie było pravilnym», — adznačyŭ Alaksandr Łukašenka.

«Tamu, kali mnie čarhovy raz pastupiŭ prajekt ukaza pa karekciroŭcy Pravił darožnaha ruchu, pračytaŭšy jaho, ja zrazumieŭ,

što Ministerstva ŭnutranych spraŭ abo niechta jašče majučy dačynieńnie da hetych źmianieńniaŭ nie toje što ciahnuć koŭdru na siabie, ale zanadta pierastaralisia»,

— skazaŭ kiraŭnik dziaržavy.

Na ciapierašnim etapie MUS prapanuje čarhovyja papraŭki ŭ Praviły darožnaha ruchu.

«Ale ŭ mianie jość sumnieńni: ci ŭsie prapanavanyja źmianieńni adpaviadajuć hramadskim intaresam?

Nakolki jany źjaŭlajucca svoječasovymi, i ci nie budzie abjektyŭnych ciažkaściej pry ich prymianieńni?» — skazaŭ Alaksandr Łukašenka.

Na dumku prezidenta, nie mohuć Praviły darožnaha ruchu mianiacca tak časta, jak heta prapanujecca. «Značyć, abo vy nie dapracoŭvajecie, nie bačycie, što budzie zaŭtra-paślazaŭtra, nie možacie pradbačyć hetaha i pačynajecie karekciravać hetyja Praviły ledź nie kožny hod, abo ŭ nas sapraŭdy takaja drennaja situacyja, što treba, naprykład, chutkaść niedzie ŭ nasielenym punkcie ŭ ciomny čas sutak abmiežavać 50 km u hadzinu zamiest 60 km u hadzinu. Nibyta heta vialikaja roźnica, i heta niešta źmienić», — skazaŭ Alaksandr Łukašenka.

Naściarožanaść prezidenta vyklikali taksama źmianieńni, jakija datyčacca bolš šyrokaha vykarystańnia śviatłoviartalnych elemientaŭ.

«Viedajecie, mianie heta naściarožvać pačynaje, nibyta niejkaja firma ŭžo siońnia hatova vyrabić hetyja śviatłoviartalnyja elemienty, i my kožnamu kaniu na chvost ich paviesim i takim čynam stvorym pośpiech hetaj firmie», — adznačyŭ kiraŭnik dziaržavy. «Ja nie paprakaju vas u hetym, ale heta nie moža mianie nie naściarožvać», — skazaŭ jon.

Prezident taksama padkreśliŭ, što z apošniaha varyjanta prajekta ŭkaza ŭ adpaviednaści ź jaho zaŭvahami ŭrad vyklučyŭ nazvanyja normy. «Ale ja chacieŭ by viarnucca da razhladu hetych pytańniaŭ, uzvažyŭšy ŭsie «za» i «suprać».

Alaksandr Łukašenka skazaŭ, što ŭ suviazi z hetym na siońniašniuju naradu zaprošany kiraŭniki i śpiecyjalisty, ad jakich jon chacieŭ by atrymać abjektyŭnuju infarmacyju pa kanceptualnych pałažeńniach pradstaŭlenaha prajekta ŭkaza z ulikam intaresaŭ kiroŭcaŭ i inšych udzielnikaŭ darožnaha ruchu.

• 0
• 0
• 0
• 0
• 0
• 0
• 0
• 0