Ciomnyja hulni rasiejskich viedźmaŭ
Čerci-śpiecnazaŭcy, Baba Jaha ŭ chłamidzie i proćma pantoŭ — u novaj rasiejskaj karcinie.
Rasieja, 2010, kalarovy, 100 chv.
Režysior: Anton Miehierdzičaŭ
Roli vykonvajuć: Ivan Žydkoŭ, Śviatłana Ivanava, Uładzimir Nosik, Siarhiej Uhrumaŭ, Alena Panova, Ilja Alaksiejeŭ, Maryja Kažeŭnikava, Ksienija Radčanka, Zachar Kunhurejeŭ
Žanr: Mistyka, fentezi
Adznaka: 3 (z 10)
Studenty-fiłołahi ŭ pošukach falkłoru zabralisia ŭ hłybokija lasy — i znajšli mumifikavanuju viedźmu. Samaja cikaŭnaja dakranułasia da viedźmy — i ŭ jaje ŭvajšła viedźmina siła. Ciapier za studentami paluje čorny viadźmar (i pa sumiaščalnictvie ministr), jaki maryć ažyvić svajho hniusnaha tatu.
Sučasnaja rasiejskaja mistyka — vielmi admysłovy žanr. Jahonaje pryznačeńnie — zabivać čas hledačoŭ i demanstravać «krutyja efiekty» pamierłaj impieryi. Pazyčanaja ŭ «Načnoj varty» mantažnaja niaŭciamnaść, dzikaja siužetnaja miašanka, durackija sacyjalnyja spasyłki — i adsutnaść choć niejkaj cełasnaści.
U filmie jość pavietranyja bai viedźmaŭ i čarciej-śpiecnazaŭcaŭ (!), čorny dym, što trasfarmuje cieły, patapleńnie dziaŭčynki, namioki na seks, Baba Jaha ŭ biełaj chłamidzie — i aktor Uładzimir Nosik u roli pryšyblenaha prafiesara fiłałohii.
Usio heta abciažarvana natužlivaj demanstracyjaj kamputarnych efiektaŭ, upliščanych nie da miesca. «Ciomny śviet» — mistyčnaja pustyška biez usialakaj, navat viedźminskaj, dušy.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary