Paśla šyrokaha infarktu serca žychar ukrainskaha Zakarpaćcia niekalki dziasiatkaŭ razoŭ traplaŭ u stan kliničnaj śmierci, paśla čaho viartaŭsia da žyćcia.
Paśla šyrokaha infarktu serca žychar ukrainskaha Zakarpaćcia niekalki dziasiatkaŭ razoŭ traplaŭ u stan kliničnaj śmierci, paśla čaho viartaŭsia da žyćcia.
Baraćba Juryja Fiadaki ź śmierciu ciahnułasia roŭna dva tydni. Niahledziačy na namahańni lekaraŭ špitala ŭ Užharadzie, paśla pieražytaha infarktu jahonaje serca nie chacieła viartacca da narmalnaha rytmu pracy. Spyniałasia, kab praź niekalki chvilinaŭ znoŭ «rušyć».
Najhoršym było dla Fiadaki pieršaje spynieńnie serca, jakoje doŭžyłasia cełych čatyry chviliny. Paźniej, jak śćviardžaje sam, jon navučyŭsia adčuvać symptomy nadychodziačaj śmierci.
«Ja adčuvaŭ, kali heta nabližałasia. Adčuvaŭ dziŭnuju enerhiju ŭ šyi, što dachodziła da zadniaj častki hałavy, a paśla jak byccam niechta niešta vyklučaŭ», – pryhadvaje pacyjent.
«U toj čas ja bačyŭ, jak vychodziŭ z tunelu na palanu. Takaja jarka-zialonaja trava, kvietki, jak narcysy. I hałuby lotali. I tolki kali ja hladzieŭ na ŭzhorak, vizija źnikała», – kaža Fiadaka.
Pradčuvańnie nadychodziačaj śmierci dapamahło jamu ŭratavać žyćcio. Adčuvajučy ŭžo viadomyja jamu symptomy, Fiadaka kožny raz paśpiavaŭ vyklikać chutkuju dapamohu.
Lekary kažuć, što jašče nikoli dahetul nie sutykalisia z takim vypadkam. Jany ŭzhadvajuć, što adnojčy jany zdoleli viarnuć da žyćcia pacyjenta, jaki try razy traplaŭ u stan kliničnaj śmierci.
Vypadak Fiadaki, adnak, nie padstava dla honaru kardyjolahaŭ z Užharadu. «My nie mahli padabrać adpaviednych lekaŭ adrazu. Adnak my staralisia, i, jak bačna, čałaviek žyvie i ciešycca žyćciom», – skazaŭ Alaksandar Sabinin, ardynatar adździełu kardyjalohii špitala ŭ Užharadzie.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary