Ci nie baicca Statkievič mahčymych nastupstvaŭ svajho zvarotu?
Vystup Mikoły Statkieviča pa Biełaruskim telebačańni impanavaŭ svajoj śmiełaściu. Kandydat naŭprost u vielmi žorstkaj formie źviarnuŭsia da Łukašenki. Ci nie baicca Statkievič mahčymych nastupstvaŭ svajho zvarotu?
Mikoła Statkievič: Ja ŭ hetym žyćci bajusia tolki troch rečaŭ — Boha, za rodnych i ludziej, što za mnoj iduć, a taksama nie spraŭdzić ich čakańni. Bolš ničoha.
«NN»: A varyjant, što mohuć adpomścić, razhladajecie?
MS: Nie dumaŭ pra hetaje. Chaj jon sam pra heta dumaje.
«NN»: Vystup rychtavali ci jon byŭ spantannym?
MS: Zahadzia padrychtavaŭ. Usie svaje pramovy pišu vyklučna sam. Tut jość niekatoryja asabistyja momanty, jakija inšamu čałavieku napisać ciažka. Niekalki razoŭ repietuju pramovu pierad kimści. Na telebačańnie biaru z saboj prykładny płan pramovy. Pa im i aryjentujusia. Viedajecie, raniej Łukašenka ŭzhadvaŭ majo proźvišča. Ciapier ža nie nazyvaje, kali niešta kaža pra mianie. Ja taksama imknuŭsia nie nazyvać jahonaje, bo hrebuju im.
«NN»: A sami svaim vystupam zadavolenyja?
MS: Najpierš chacieŭ niešta danieści nie tym ludziam, što i tak usio razumiejuć, a tym, chto choča zrazumieć. Moža i tamu moj pieršy vystup byŭ bolš łahodny. Časam karystaŭsia niejkimi namiokami, kab jany sami mahli dadumać. Pryjści da peŭnych vyvadaŭ. Apošniaja častka majho druhoha vystupu była ŭžo raźličana na ludziej aktyŭnych. Chaciełasia, kab mianie zrazumieła bolš ludziej, tamu na TB byŭ vymušany ŭ asnoŭnym razmaŭlać pa‑rasijsku, pa radyjo — užo pa‑biełarusku.
«NN»: Vystupy skončylisia, što ciapier?
MS: Nu voś siońnia maju prahramu nadrukavali ŭ «Sovietskaj Biełorusii» i «Minskim kuŕjerie». U astatnich hazietach niejkija prablemy. A tak źbirajusia jeździć pa rehijonach. Zaŭtra — Baranavičy, u piatnicu — Brest. Usiaho bolš za dziesiać haradoŭ, a jašče ŭ Minsku sustrečy. U subotu prymu ŭdzieł u debatach. Taksama nie adkruciŭsia ad adnoj zamiežnaj kamandziroŭki. Ad Paryža admoviŭsia, a voś u Bierlin pa zaprašeńni lidara sacyjał‑demakratyčnaj partyi Hiermanii daviadziecca źjeździć.
«NN»: Zdymacca z vybaraŭ nie budziecie?
MS: Takoha padarunka im nie zrablu. Chaj sami dumajuć, što sa mnoj rabić. Adziny kandydat — heta było b dobra. Ale jany vyrašyli zarehistravać usich. Dumali, što kandydaty adzin adnaho dziaŭbści buduć. A ciapier my majem kandydataŭ na luby hust. I kožny ź ich pa‑svojmu krytykuje hetuju ŭładu.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary