Dva siabry Minskaha haradskoha vybarkama admovilisia padpisacca pad aficyjnymi vynikami

Siabry Minskaj haradskoj vybarčaj kamisii Halina Siamdzianava i Alaksiej Sihajeŭ nie padpisali vynikovy pratakoł pa vynikach vybaraŭ Prezidenta. Jany vykłali svaje asablivyja mierkavańni, u jakich pieraličyli parušeńni Vybarčaha kodeksu padčas prezidenckaj kampanii, ukazaŭšy, što hetyja fakty dajuć padstavy pryznać vybary ŭ Minsku niesapraŭdnymi.

Śpis parušanych artykułaŭ vybarčaha zakanadaŭstva, jakija zhadvajucca ŭsablivym mierkavańni pradstaŭnicy Partyi BNF Haliny Siamdzianavaj, nie prosta hučyć vielmi pierakanaŭča — jon uražvaje. Narodnaje volevyjaŭleńnie ŭ stalicy išło ŭrazrez ažno ź dzieviaćciu artykułami dziejučaha ŭ krainie Vybarčaha kodeksa. Pryčym parušeńni zakona adbyvalisia litaralna na ŭsich etapach vybarčaj kampanii.

Naprykład, pry farmavańni vybarčych kamisij (jak teryjataryjalnych, tak i ŭčastkovych) kandydatury ŭ ich skład «padbiralisia peŭnymi zacikaŭlenymi asobami».

Uklučanyja ŭ skład vybarčych kamisij pradstaŭniki apazicyi sustrakali mocnaje supraćdziejańnie pry sprobie padpisać usie atrymanyja kamisijami biuleteni dla hałasavańnia.

Što datyčyć kulminacyjnaha momantu vybaraŭ — padliku hałasoŭ, to, pa słovach Alaksieja Sihajeva, «va ŭstanaŭleńni vynikaŭ hałasavańnia nie mahli prymać udzieł usie siabry padlikovaj kamisii». U suviazi z hetym, praciahvaje jon,

na ŭčastku № 60 Frunzienskaha rajonu siabram kamisii Stoma Łarysaj Ihnaćjeŭnaŭ da pratakoła pa ŭstanaŭleńni vynikaŭ hałasavańnia było napisana asablivaje smnrkavańnie. «U pryvatnaści, jana adznačaje, što tolki ŭ tym stosie, što padličvała jana sama, kolkaść biuleteniaŭ za Niaklajeva U.P. skłała 46, a ŭ vynikovym pratakole za Niaklajeva zapisana tolki 29 hałasoŭ», — paviedamlaje A.Sihajeŭ.

«možna było nazirać značnaje razychodžańnie dadzienych pa daterminovym hałasavańni, hałasavańni pa miescy znachodžańnia i ŭčastku». Siabra Minskaj haradskoj kamisii pryvodzić niekalki prykładaŭ: «Tak, na ŭčastku № 6 Partyzanskaha rajona za Łukašenku daterminova prahałasavała 65,78%; pa miescy znachodžańnia vybarščykaŭ 77,78%; u dzień hałasavańnia — 36,01%

Halina Siamdzianava ličyć, što pryviedzienyja joju prykłady «dazvalajuć zrabić vysnovu, što ŭčastkovyja kamisii h. Minska niedobrasumlenna padyjšli da vykanańnia ŭskładzienych na ich abaviazkaŭ pa praviadzieńni vybaraŭ, hałasavańni i padliku hałasoŭ, tym samym sadziejničali falsifikacyi vynikaŭ vybaraŭ».

Takim čynam, dva siabry Minskaj haradskoj vybarčaj kamisii nie pryznajuć vyniki vybaraŭ. «Na padstavie vyšej apisanaha, ja prychodžu da vysnovy, što vybary na terytoryi h. Minska prajšli z parušeńniem zakanadaŭstva. I liču, što na terytoryi h. Minsk treba pryznać niesapraŭdnymi», — padvodzić rysu A.Sihajeŭ. «U adpaviednaści z vyšejnazvanym, a taksama ŭličvajučy niepraparcyjnaje pakarańnie za vykazanuju hramadzianami niezadavolenaść vynikami vybaraŭ u dzień hałasavańnia, ja nie mahu padpisać pratakoł ab vynikach hałasavańnia pa vybarach Prezidenta Respubliki Biełaruś pa horadu Minsku, — piša H. Siamdzianava. — Liču, što vybary pa h. Minsku treba pryznać niesapraŭdnymi».

• 0
• 0
• 0
• 0
• 0
• 0
• 0
• 0