C. jakraz śpiecyjalizavaŭsia na kryminalnaj chronicy.
Reparcior ANT S., jaki zavajavaŭ zvańnie «Najlepšy reparcior 2008 hoda» na konkursie «Televiaršynia», padazrajecca ŭ bujnym machlarstvie ŭ dačynieńni da biełaruskich bankaŭ.
Kryminalnaja sprava ŭ dačynieńni da najlepšaha reparciora Biełarusi 2008 hoda raspačataja Savieckim RUUS Minska. Pavodle dadzienych apieratyŭnych słužbaŭ, S. z 23 krasavika 2008 hoda pa 20 lutaha 2009 hoda, źjaŭlajučysia karespandentam ZAT «Druhi nacyjanalny kanał» (ANT), padaŭ u biełaruskija banki niedakładnyja źviestki i dziakujučy hetamu ašukanskim sposabam zavałodaŭ sumaj u 11,3 tysiačy dalaraŭ i 10 tysiač jeŭra. Siarod paciarpiełych fihurujuć čatyry bujnyja biełaruskija banki, siarod ich AAT
Charakterna, što S. jakraz śpiecyjalizavaŭsia na kryminalnaj chronicy, za što i atrymaŭ «Televiaršyniu» jak najlepšy reparcior 2008 hoda. Jamu pradkazvali vialikija pośpiechi, ale nie atrymałasia…
Pravaachoŭnymi orhanami Minska ŭ dačynieńni da S. raspačataja kryminalnaja sprava pa padazreńni va ŭčynieńni im złačynstva, praduhledžanaha č.4 art. 209 Kryminalnaha kodeksa Biełarusi (machlarstva, ździejśnienaje arhanizavanaj hrupaj albo ŭ admysłova bujnym pamiery). Sankcyja hetaha artykuła praduhledžvaje pakarańnie da dziesiaci hadoŭ pazbaŭleńnia voli z kanfiskacyjaj majomaści. Adnak sam Dzianis pakul na voli — miera strymańnia ŭ dačynieńni da jaho nie abirałasia.
U pryjomnaj ANT rastłumačyli, što ich najlepšy reparcior užo daŭno ŭ ich nie pracuje — z 2009 hoda. Pa spravie S. i zusim prachodzić jak biespracoŭny.
Kamientary