Hramadzianina Rasiei, redaktara infarmacyjnaha ahienctva «Svaboda» Alaksandra Łašmankina pazbavili akredytacyi ŭ biełaruskim Ministerstvie zamiežnych spraŭ.
Pra heta žurnalist paviedamiŭ karespandentu «Svabody».
«Siońnia ja zajšoŭ u MZS pa kartku, i mnie skazali, što ja pazbaŭleny akredytacyi. Padstavaŭ nie patłumačyli i skazali zaŭtra pryjści pa vypisku. Vidać, tut nie patrebnyja takija žurnalisty, jak ja. Tut patrebnyja ludzi, jakija apisvajuć padziei z taho punktu hledžańnia, jaki vyhadny dla Alaksandra Łukašenki. Ja nie hatovy heta rabić. Ja liču. što ja abjektyŭny. Prynamsi planavaŭ takim być. Nu što ž, ciapier mnie heta rabić značna lahčej».
U biełaruskim MZS zajavili, što Łašmankin pazbaŭleny akredytacyi «u suviazi z parušeńniem biełaruskaha zakanadaŭstva».
Svoj aryšt u Biełarusi žurnalist ličyć niezakonnym.
«Mnie inkryminavana toje, čaho ja nie rabiŭ. Heta palicejskaja pravakacyja. Nibyta pad kanvojem, kali mianie viali ad ciahnika da dziažurnaj častki, ja nibyta maciuhaŭsia na adras milicyjantaŭ. Kaniečnie, heta biezzakońnie. Hetaje rašeńnie sudu abskardžana».
Alaksandar Łašmankin adbyvaŭ troje sutak aryštu ŭ izalatary časovaha ŭtrymańnia.
«Tam jość taki element režymu, jaki ja pryraŭnoŭvaju da ŭtrymańnia ŭ karcery. Tam nielha znachodzicca na łožku z 6 hadziny ranicy da 22 hadziny. Heta davoli składana vytrymać niepryvyčnamu čałavieku».
Alaksandar Łašmankin adbyŭ troje sutak aryštu ŭ Biełarusi za chulihanstva. U noč na 24 sakavika jaho zatrymała transpartnaja milicyja ŭ Voršy. Supracoŭniki pravaachoŭnych orhanaŭ ssadzili jaho ź ciahnika Čalabinsk — Bieraście. 24 sakavika ŭ Voršy jon byŭ asudžany sudom na troje sutak administracyjnaha aryštu za chulihanstva. U znak niazhody z rašeńniem sudu Łašmankin abviaściŭ haładoŭku.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj39
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2929
Kamientary