Čamu irłandcy nie nosiać brytanski anałah «hieorhijeŭskaj stužki»
Nie tamu, što nie pavažajuć podźvih pieramožcaŭ u Pieršaj ci Druhoj suśvietnaj vojnach. Piša ŭ svaim błohu Aleś Čajčyc.
U Brytanii anałaham našaha Dnia pieramohi možna ličyć 11 listapada, dzień zakančeńnia Pieršaj suśvietnaj vajny. Brytanija zhubiła bolš ludziej u Pieršaj suśvietnaj, čym u Druhoj, i tamu heta vajna hraje bolš važnuju rolu.U badaj što kožnym rajonie Łondana možna sustreć pomniki ź imionami pahinułych u «Vialikaj vajnie» ziemlakoŭ.
Hety dzień — Dzień pamiaci ŭsich pahinułych i dzień ušanavańnia vieteranaŭ ŭsich najnoŭšych vajennych kanfliktach, dzie vajavała brytanskaje vojska. Na 11 listapada ŭ Łondanie prachodzić parad vieteranaŭ usich vajskovych kanfliktaŭ i apieracyj, dzie ŭdzielničała brytanskaje vojska: ad Druhoj suśvietnaj da Fałklendaŭ, Iraka i Afhanistana. Prachodziać parady, treba adznačyć, biez tankaŭ i rakietnic.
Majuć brytancy i anałah rasijskaj hieorhijeŭskaj stužki (jaki źjaviŭsia, viadoma, šmat raniej za jaje)— uvieś horad napiaredadni śviata nosić na palito płastykavyja kvietački maku. Hety simvał vykarystoŭvajecca jak dla ŭspaminaŭ pa vieteranach, tak i dla, naprykład, zbora hrošaj dla dapamohi sučasnym brytanskim vajennym invalidam.
A voś
u Irłandyi, jakaja ŭ doŭhich bajach zavajoŭvała niezaležnaść ad Brytanii, kvietki maku nasić nie pryniata.Nie tamu, što irłandcy nie pavažajuć podźvih pieramožcaŭ u Pieršaj i Druhoj suśvietnaj vojnach, ale tamu što hety simvał asacyjujecca z Brytanijaj. I nie tamu, što irłandcy štości majuć suprać sučasnaj Brytanii, ale tamu, što jany majuć nie tolki dobryja asacyjacyi z brytanskaj vajskovaj historyjaj. Dla cikaŭnych — raju pačytać razvahi irłandskaj žurnalistki Mery Kieni.
Dla Biełarusi śviata vyzvaleńnia ad nacyzmu mocna azmročana adnaŭleńniem savieckaj akupacyi,jakaja skončyłasia tolki praz 45 hadoŭ i abiarnułasia dla krainy tysiačami achviaraŭ palityčnych represij, rusifikacyjaj, Čarnobylskaj katastrofaj i, taksama, spadčynaj u vyhladzie siońniašniaha jaskrava nieasavieckaha aŭtarytarnaha režymu.
Heta narmalova, kali niekatoryja rasijcy nosiać hieorhijeŭskuju stužku. Heta taksama narmalova, kali niekatoryja biełarusy admaŭlajucca jaje nasić. Heta narmalova, što stužka była i budzie pradmietam dyskusii ŭ biełaruskim hramadstvie na praciahu bližejšych dziesiacihodździaŭ.
Nadziavać na siabie hieorhijeŭskuju stužku, jakaja asacyjujecca z SSSR, dla biełarusaŭ, napeŭna, hetaksama sprečna, jak i čaplać
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary