Łukašenka daručyŭ vypracavać bolš efiektyŭnyja miery adkaznaści za kiravańnie ŭ niećviarozym vyhladzie
Alaksandr Łukašenka 18 lipienia pravioŭ rabočuju sustreču z hienieralnym prakuroram Ryhoram Vasilevičam.
Hienprakuror prainfarmavaŭ ab rabocie pravaachoŭnych orhanaŭ u pieršym paŭhodździ 2011 hoda. Asablivaja ŭvaha ŭdzialałasia stanu spraŭ u kryminahiennaj śfiery. Tak, za pieršaje paŭhodździe kolkaść złačynstvaŭ skaraciłasia amal na 14 pracentaŭ u paraŭnańni z anałahičnym pieryjadam minułaha hoda. Značna źmienšyłasia kolkaść asabliva ciažkich złačynstvaŭ, razbojaŭ, hrabiažoŭ, chulihanstvaŭ. Na 18 pracentaŭ skaraciłasia kolkaść złačynstvaŭ siarod niepaŭnaletnich. Jak adznačyŭ Ryhor Vasilevič, hetaj stanoŭčaj tendencyi ŭdałosia dabicca dziakujučy sumiesnaj rabocie pravaachoŭnych orhanaŭ i miascovych uład.
Druhi važny aśpiekt - heta rabota pa rastłumačeńniu dziejučaha zakanadaŭstva siarod hramadzian, u pracoŭnych kalektyvach. Alaksandr Łukašenka źviarnuŭ uvahu, što ŭ hetaj śfiery kiraŭniki šerahu respublikanskich orhanaŭ, jakija zajmajucca pravavym zabieśpiačeńniem i realizacyjaj prava, nie dapracoŭvajuć i nie vystupajuć dastatkova aktyŭna ŭ ŚMI.
U jakaści asobnaha pytańnia była abmierkavana prablema rostu vypadkaŭ kiravańnia transpartam u niećviarozym stanie. Kolkaść vadzicielaŭ, jakija pryciahvalisia da kryminalnaj adkaznaści za kiravańnie ŭ niećviarozym vyhladzie, za paŭhodździe pavialičyłasia bolš jak na 20 pracentaŭ. Jon daručyŭ u bližejšy čas znajści bolš efiektyŭnyja miery adkaznaści za kiravańnie transpartam u niećviarozym stanie, kab zabiaśpiečyć bolšuju biaśpieku na darohach.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary