Dzie adpačyvajuć biełaruskija čynoŭniki, suprać jakich Jeŭrasajuz uvioŭ vizavyja sankcyi?
Dzie adpačyvajuć biełaruskija čynoŭniki dy inšyja słužbovyja asoby, suprać jakich Jeŭrasajuz uvioŭ vizavyja sankcyi? Ci ŭpłyvajuć hetyja abmiežavańni na vybar miesca, dzie jany pravodziać svaje adpačynki?
Mikałaj Čarhiniec, były staršynia mižnarodnaj kamisii Savietu Respubliki, a ciapier kiraŭnik praŭładnaha Sajuza piśmieńnikaŭ, paskardziŭsia: adpačyvać hetym letam nie daviadziecca:
«Na ŭsie maje płany ŭpłyvaje źjezd piśmieńnikaŭ, jaki adbudziecca ŭvosień. Heta vielmi vialiki źjezd. Čakajem da 600 delehataŭ, haściej z bolš jak 25 krain. I heta nakładaje na nas vialikuju adkaznaść — treba ŭsio ž być na peŭnym roŭni jak haspadaram.
A hrošaj — niama. Ja kožny dzień zajmajusia hetym. Našu listy, chadžu klanču, sponsaraŭ šukaju».
Jeŭrapiejskija abmiežavańni Mikałaja Čarhinca nie chvalujuć. Tam, dzie jamu padabajecca, Jeŭrapiejskija vizy nie patrebnyja:
«Usiu Jeŭropu ja abjeździŭ. Dyj bolšuju pałovu śvietu taksama. A kali b byli hrošy, źlataŭ by jašče raz na Bali adpačyć. Ja tam nie adpačyvaŭ, a byŭ u kamandziroŭcy. Vielmi mnie spadabałasia, pryhožaje miesca.
U krajnim vypadku palacieŭ by ŭ Turcyju, u Bodrum. Tam taksama dobryja ŭmovy. Niahledziačy na śpiakotu, tam zaŭždy bryz na mory. I adčuvaješ siabie vielmi i vielmi kamfortna».
Abydziecca bieź jeŭrapiejskich kurortaŭ i sakratar Centravybarkamu Mikałaj Łazavik:
«Ja i raniej, i ciapier svoj vodpusk pravodžu ŭ rodnaj Biełarusi. U mianie jość ulubionyja miescy ŭ Staŭpieckim i Rahačoŭskim rajonach, dzie ja ź vialikaj asałodaj mahu parybačyć, pachadzić pa lesie.
Zvyčajna ja svoj adpačynak dzialu na dźvie častki. Pieršaja — na pačatku leta, kali źjaŭlajucca pieršyja jahady i kali chočacca vyvieźci na pryrodu ŭnukaŭ. I druhaja častka — na kancy leta, kali źjaŭlajecca šmat hryboŭ. I jość mahčymaść atrymać asałodu ad «cichaha palavańnia».
Jeŭrapiejskuju zabaronu spadar Łazavik usprymaje nadzvyčaj krytyčna:
«Z čysta maralnaha punktu hledžańnia hetyja sankcyi, jakija abmiažoŭvajuć pravy čałavieka, havorać pra toje, što ŭ jeŭračynoŭnikaŭ niejkaje pierakulenaje paniaćcie ab demakratyi. Nie moža demakrat, jaki choča pakazać pieravahi demakratyčnaha hramadztva, abmiažoŭvać u pravach inšaha čałavieka.
Tym bolš absalutna nie vinavataha. Pa praviadzieńni vybaraŭ u jeŭračynoŭnikaŭ da nas nijakich pretenzij niama. A toje, što adbyłosia paśla vybaraŭ, heta ŭžo vina samich jeŭračynoŭnikaŭ, jakija finansavali kampaniju pad nazvaj «Płošča».
Były ministar unutranych spraŭ hienierał Jury Sivakoŭ pra svoj sioletni adpačynak raspavioŭ tak:
«U siabie na leciščy. Zychodžu z pryncypu — praca i z hienierała čałavieka robić. U hetym pytańni prytrymlivajusia pryncypu — „kuplajcie biełaruskaje“. Ja ŭ svoj čas najeździŭsia vielmi šmat. Tamu ciapier mianie bolš ciahnie da svajoj ziamli.
Znachodžu zadavalnieńnie ŭ spravach, źviazanych z haspadarkaj. Nu, i paralelna pišu
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary