U Eŭropie urahan "Kiryła" spyniŭ samaloty, u Biełarusi abvieščana štarmavoje papiaredžańnie

U Biełarusi 19 studzienia abjaŭlena štarmavoje papiaredžańnie, paviedamiła karespandentu BIEŁTA hałoŭny sinoptyk Respublikanskaha hidramieteacentra Volha Fiadotava.

Pavodle słoŭ śpiecyjalista, 19 studzienia ŭ suviazi ź pieramiaščeńniem mahutnaha atłantyčnaha cykłonu praz Bałtyjskaje mora i Łatviju na ŭschod u Biełarusi čakajucca składanyja ŭmovy nadvorja. Cykłon pryniasie mocnyja paŭdniova‑zachodnija ź pierachodam na paŭnočna‑zachodnija viatry, z paryvami da 15‑22 mietraŭ u siekundu. Na bolšaj častcy terytoryi krainy paryvy vietru buduć dasiahać amal urahannaj siły ‑ 25‑30 mietraŭ u siekundu. Pry hetym tempieratura pavietra składzie 3‑8 hradusaŭ ciapła, a dniom pa paŭnočnaj pałavinie ‑ da nula ‑ plus 2 hradusaŭ.

Projduć daždžy, dniom ‑ mokry śnieh. Nočču pa paŭnočnaj pałavinie respubliki apadki buduć mocnyja, dniom miescami zavirucha, adznačyła Volha Fiadotava.

U subotu, 20 studzienia, viecier pačnie słabieć, adnak nočču jaho paryvy jašče buduć dastatkova mocnyja ‑ da 15‑20 mietraŭ u siekundu. U mnohich rajonach padmarozić da nula ‑ minus 4 hradusaŭ. Na asobnych učastkach daroh hałalodzica. Dniom tempieratura pavietra budzie vahacca ad minus 1 hradusa da plus 5 hradusaŭ. Nočču na bolšaj častcy terytoryi krainy, a dniom u asobnych rajonach projdzie mokry śnieh.

U niadzielu, 21 studzienia, atmaśfierny front, što pieramiaščajecca z Zachodniaj Jeŭropy, znoŭ pryniasie ŭ Biełaruś apadki, pieravažna ŭ vyhladzie mokraha śniehu, jaki budzie źmianiacca daždžom. Čakajecca paryvisty zachodni viecier. Na praciahu sutak tempieratura pavietra składzie ad nula da plus 6 hradusaŭ. Nočču pa ŭschodzie krainy budzie da minus 3 hradusaŭ.

Pavodle prahnozaŭ sinoptykaŭ, u pačatku nastupnaha tydnia miescami projdzie mokry śnieh. Da 23 studzienia tempieratura pavietra panizicca da 1‑6 hradusaŭ marozu. Dniom jana budzie blizkaja da nula. Na darohach hałalodzica. Viecier pačnie słabieć.‑0‑

❏

Urahan "Kiryła" 18 studzienia pryjšoŭ u Eŭropu, dzie kryšyć usio, što traplajecca na jahonym šlachu. Chutkaść paryvaŭ vietru ŭ Niderlandach, Belhii, Vialikabrytanii, prymorskich rajonach Niamieččyny i Francyi dasiahnuła 150 km/h. U Niderlandach admienienyja zaniatki ŭ škołach i praviedziena evakuacyja nasielnictva z uźbiarežža. Jość čałaviečyja achviary. Padrabiaźniej.

❏

Budźcie aściarožnymi! I biez patreby nie vychodźcie na vulicu.

• 0
• 0
• 0
• 0
• 0
• 0
• 0
• 0