Dla Ładućki važniej złamanyja dźviery ŭ padjeździe, čym biaśpieka mietro?
Staršynia Minharvykankama prakamientavaŭ vyłazku rasijskich błohieraŭ na režymnyja abjekty Minska.
«Nie pakinuŭ biez uvahi Mikałaj Ładućka i vyłazku rasijskich błohieraŭ, jakija raźmiaścili ŭ Internecie pryhožyja fatahrafii Minska. Zrešty, niekatoryja sa zdymkaŭ byli zrobleny nie zanadta zakonna, śćviardžaje staličny kiraŭnik horada. Našy hości, prabraŭšysia ŭ budynak nasuprać KDB, spačatku złamali dźviery ŭ padjeździe, a paśla zrezali zamok na haryšča», — piša hazieta «Respublika».
Pry hetym čynoŭnik ci zabyŭ, ci nie paličyŭ patrebnym prakamientavać toj fakt, što za piać miesiacaŭ paśla teraktu ŭ minskim mietro siudy ŭžo dvojčy traplali staronnija ludzi.Pry hetym jany nie sustreli nijakich pieraškod i zdoleli zrabić fota- i videazdymki.
Pieršy vypadak zdaryŭsia ŭ noč na 29 maja. Jon kaštavaŭ načalniku Minskaha mietrapalitena Mikałaju Andrejevu pasady. Milicyja tady paabiacała ŭzmacnić miery biaśpieki. Adnak, u noč na 7 vieraśnia ŭ minskim mietro adznačylisia vyšejzhadanyja rasijskija błohiery. Heta zdaryłasia za kolki dzion da Dnia horada i za tydzień da pačatku pracesu pa spravie vybuchu ŭ mietro 11 krasavika. Svaim učynkam jany zaśviedčyli, što pytańnie pavyšeńnia biaśpieki minskaha mietro zastajecca adkrytym.
Kamientary