Supracoŭnica banka prysabiečvała hrošy dabračynnaha fondu «Lubčanski zamak»
U jaje kišeni «asieła» amal 200 miljonaŭ rubloŭ ludskich achviaravańniaŭ.
Niedastaču na rachunku vyjaviŭ staršynia fondu Ivan Piačynski. Jon daviaraŭ supracoŭnicy banka i nie zaŭsiody praviaraŭ ličby, zapisanyja ŭ błanku pieravodu hrošaj z realnymi sumami, jakija ludzi achviaravali na adnaŭleńnie pomnika architektury. Spadar Piačynski kaža, što machlarstva praciahvałasia niekalki hod. Zaraz idzie śledstva, užo pravodziłasia vočnaja staŭka, supracoŭnica banku pryznała svaju vinu.
Namieśnica staršyni Navahrudskaha adździaleńnia «Biełahraprambanka» Janina Novik admoviłasia nazvać sumu, jakaja nie dajšła da rachunku dabračynnaha fondu, adnak adznačyła, što, pakul idzie śledstva, supracoŭnica adchilenaja ad pracy ŭ banku.
* * *
Dabračynny fond «Lubčanski zamak» zasnavany ŭ 2003 hodzie pa inicyjatyvie miascovych žycharoŭ i vychadcaŭ ź miastečka Lubča. Asnoŭnymi metami fonda źjaŭlajucca spryjańnie kansiervacyi, restaŭracyi i prystasavańniu pomnika architektury
Dziejnaść fondu padtrymali Ministerstva kultury, Navahrudski rajvykankam, Lubčanski pasiałkovy saviet, Instytut historyi Akademii navuk, TAA «Tatat», AAT «Pryjorbank», ZP «Vełkom», TAA «Centr pa rehienieracyi
Za čas isnavańnia fondu adrestaŭravana Kutniaja vieža zamka (pač. XVII st.) z poŭnym adnaŭleńniem fachvierkavaj prybudovy, viaducca raboty pa restaŭracyi interjeraŭ viežy, adnoŭleny na vyšyniu 1 m abarončy mur pamiž dźviuma zachavanymi viežami — Bramnaj i Kutniaj, zamieniena pakryćcio dachu Bramnaj viežy, raspačaty novyja archieałahičnyja daśledavańni zamka, dobraŭparadkavana terytoryja zamčyšča i parka, zakansiervavana dla nastupnaj restaŭracyi parkavaja brama.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary