Hrodziencam prapanujuć atrymlivać polskija vizy ŭ Breście i Minsku
Polskaje konsulstva ŭ Hrodnie nie spraŭlajecca z abjomam ankiet, pavialičyć štat im nie dazvolili biełaruskija ŭłady.
Pra heta na sustrečy ź siabrami niepryznavanaha ŭładami Sajuza palakaŭ na Biełarusi paviedamiŭ adkazny za vizavyja pytańni konsuł Piotr Laŭčuk. Pa jahonych słovach, prablemy z elektronnaj rehistracyjaj ankiet u hrodziencaŭ uźnikajuć u suviazi sa značnym pavieličeńniem kolkaści achvotnych atrymać polskuju vizu.
Za hod kolkaść viz, jakija vydaje polskaje konsulstva ŭ Hrodnie, uzrasła ŭdvaja. Za miesiac vizy atrymlivajuć 8000 žycharoŭ Hrodzienskaj vobłaści. Kab apieratyŭna paśpiavać apracoŭvać ankiety, polski bok źviartaŭsia da biełaruskich uładaŭ z prośbaj dazvolić pavialičyć kolkaść supracoŭnikaŭ konsulskaj słužby, adnak atrymaŭ admovu.
U takoj situacyi konsuł parekamiendavaŭ hrodziencam źviartacca za vizami ŭ konsulskija ŭstanovy ŭ Breście i Minsku: zarehistravać vizavuju ankietu tam značna praściej.
Prablemy z atrymańniem polskich viz ŭ hrodziencaŭ pačalisia letam: paśla źjaŭleńnia viz «na zakupy», dla jakich nie patrabujecca zaprašeńnia z polskaha boku, kolkaść achvotnych naviedać susiedniuju krainu značna ŭzrasła, čerhi pačali raściahvacca na miesiacy.
Z 15 vieraśnia, kali stała abaviazkovaj elektronnaja rehistracyja vizavych ankiet, situacyja ŭvohule vyjšła z-pad kantrolu.
Daty rehistracyi vizavych ankiet dla padačy ŭ konsulski adździeł u Hrodnie źjaŭlajucca na sajcie Ministerstva zamiežnych spraŭ Polščy pa aŭtorkach, ale ŭ hetyja dni trapić na hety sajt z Hrodna praktyčna niemahčyma.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu3
Kamientary