Pryčyna – parušany ŭzrovień vady ŭ vadajomach.
Apošnija dva-try hady ŭ Niaśvižy abvastryłasia prablema zavadnieńnia. Najbolšyja prablemy ŭ zachodniaj častcy horadu – nieadnarazova tut zalivała vadoju sutareńni, pieršyja pavierchi damoŭ.
Mer horadu Ivan Krupko tłumačyć heta tym, što
Niaśviž staić na dosyć bahnistaj hlebie,a tamu vyrašać prablemu buduć praz rasčyščeńnie kanałaŭ.
“Prajekt patrabuje značnych hrošaj. Płanujecca, što ź biudžetu horadu vydatkujem 90 młn rub., jašče 300 młn – čakajem dapamohi z vobłaści”, – kaža čynoŭnik.
Niaśvižcy mocna spadziajucca na novaha mera, jaki pryjšoŭ na pasadu hod tamu. Raniej Ivan Krupko pracavaŭ u sielskahaspadarčaj halinie.
Za čas pracy staršyniom rajvykankamu inicyjavaŭ niekalki bujnych inviestycyjnych prajektaŭ,siarod ich – adnaŭleńnie parku Alba, dzie lubili byvać Radziviły. Užo znojdzieny inviestar, jakomu daduć 10 ha ziamli, na jakich źjaviacca turystyčnyja abjekty.
Mienš za miesiac zastajecca da adkryćcia 27 załaŭ u Pałacava-parkavym kompleksie. Da 10 śniežnia ŭ horadzie majuć źjavicca novyja restaracyi, kramy z suvienirami.
Što da restaŭracyi pałacu, to, pavodle staršyni Biełaruskaha dobraachvotnaha tavarystva achovy pomnikaŭ historyi dy kultury Antona Astapoviča, jana vyklikaje šmat pytańniaŭ.
“Adnak pakolki adnaŭlenčyja pracy iduć pad pilnym nahladam ekśpiertaŭ ź JUNESKO, i jany vialikich chibaŭ nie zaŭvažajuć, možna spadziavacca na jakasnaje vykanańnie pracaŭ”, – zajaviŭ Astapovič.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary