Прычына – парушаны ўзровень вады ў вадаёмах.
Апошнія два-тры гады ў Нясвіжы абвастрылася праблема заваднення. Найбольшыя праблемы ў заходняй частцы гораду – неаднаразова тут залівала вадою сутарэнні, першыя паверхі дамоў.
Мэр гораду Іван Крупко тлумачыць гэта тым, што
Нясвіж стаіць на досыць багністай глебе,а таму вырашаць праблему будуць праз расчышчэнне каналаў.
“Праект патрабуе значных грошай. Плануецца, што з бюджэту гораду выдаткуем 90 млн руб., яшчэ 300 млн – чакаем дапамогі з вобласці”, – кажа чыноўнік.
Нясвіжцы моцна спадзяюцца на новага мэра, які прыйшоў на пасаду год таму. Раней Іван Крупко працаваў у сельскагаспадарчай галіне.
За час працы старшынём райвыканкаму ініцыяваў некалькі буйных інвестыцыйных праектаў,сярод іх – аднаўленне парку Альба, дзе любілі бываць Радзівілы. Ужо знойдзены інвестар, якому дадуць 10 га зямлі, на якіх з’явяцца турыстычныя аб’екты.
Менш за месяц застаецца да адкрыцця 27 залаў у Палацава-паркавым комплексе. Да 10 снежня ў горадзе маюць з’явіцца новыя рэстарацыі, крамы з сувенірамі.
Што да рэстаўрацыі палацу, то, паводле старшыні Беларускага добраахвотнага таварыства аховы помнікаў гісторыі ды культуры Антона Астаповіча, яна выклікае шмат пытанняў.
“Аднак паколькі аднаўленчыя працы ідуць пад пільным наглядам экспертаў з ЮНЭСКО, і яны вялікіх хібаў не заўважаюць, можна спадзявацца на якаснае выкананне працаў”, – заявіў Астаповіч.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне5959
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне59
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары