Aleha Korbana i Źmitra Chviedaruka dapytali ŭ jakaści padazravanych
Siońnia ŭnačy adbylisia dopyty zatrymanych aktyvistaŭ niezarehistravanaha «Maładoha frontu» Aleha Korbana i Źmitra Chviedaruka. Dapytvali ich u jakaści padazravanych pavodle zaviedzienaj kryminalnaj spravy pa art. 193-1. Adbyvałasia heta ŭ prysutnaści dziažurnych advakataŭ. Taksama ŭnačy ŭ Baranavičach za kvateraj «maładafrontaŭca» Jarasłava Hryščeni, jakoha siarod inšych zatrymali ŭ Miensku ŭ niadzielu, viałosia sačeńnie. Chłopiec vymušany chavacca.
Siońnia ŭ škole, dzie navučajecca aktyvistka niezarehistravanaj arhanizacyi Nasta Pałažanka, adbudziecca pasiedžańnie administratyŭnaj kamisii. Na joj budzie vyrašacca los dalejšaj vučoby Nasty ŭ hetaj škole. Niahledziačy na vydatnuju vučobu, jaje mohuć vyklučyć za parušeńnie ŭnutranaj dyscypliny.
Kamientary