Dźmitryj Miadźviedzieŭ, Alaksandr Łukašenka i Nursułtan Nazarbajeŭ sabralisia dla ŭdziełu ŭ pasiadžeńni Vyšejšaha jeŭrazijskaha ekanamičnaha savieta, jaki źmianiŭ saboj vyšejšy orhan Mytnaha sajuza.
Zaraz sustreča prachodzić u vuzkim składzie, zatym da lidaraŭ troch krain dałučacca členy delehacyj, paviedamlaje RIA Novosti.
Čakajecca, što pavodle vynikaŭ pieramoŭ budzie padpisana rašeńnie ab uvodzie ŭ dziejańnie 1 studzienia 2012 hoda dahavoraŭ ab svabodnym ruchu tavaraŭ, kapitałaŭ i pracoŭnaj siły ŭ miežach Adzinaj ekanamičnaj prastory (AEP) Rasii, Biełarusi i Kazachstana.
Trochbakovy samit pavinien pieravieści ŭ praktyčnuju płoskaść rašeńni, pra jakija prezidenty troch krain abjavili ŭ Maskvie 18 listapada.
Tady, nahadajem, byli padpisany dekłaracyja ab jeŭrazijskaj ekanamičnaj intehracyi i dahavor ab Jeŭrazijskaj ekanamičnaj kamisii (JEEK), jakaja budzie kiravać pracesam intehracyi ŭ farmacie budučaha AEP i ŭžo isnaha Mytnaha sajuza troch krain.
Jeŭrazijskaja ekanamičnaja intehracyja praduhledžvaje dalejšaje zbližeńnie krain Mytnaha sajuza ź pierachodam da AEP, zasnavanaha na normach i pryncypach SHA, i ŭ kančatkovaj pierśpiektyvie — da Jeŭrazijskaha ekanamičnaha sajuza.
Varta zaznačyć, što 16 śniežnia Rasiju aficyjna pryniali ŭ SHA. U suviazi z hetym na siońniašniaj sustrečy ŭ Maskvie treba budzie abmierkavać prykładnyja pytańni funkcyjanavańnia JEEK, u tym liku pryznačyć členaŭ jaje kalehii na čale sa staršynioj. Na pasadu staršyni kalehii ŭzhodniena kandydatura ministra pramysłovaści i handlu RF Viktara Chryścienki, jaki ź pierachodam na novuju pracu pakinie ŭrad.
Siarod tem maskoŭskaha samitu taksama — pytańnie ab uzhodnienych mierach
Paśla trochbakovaj sustrečy ŭ pašyranym składzie ŭ Maskvie projdzie pasiadžeńnie Miždziaržaŭnaha savieta Jeŭrazijskaj ekanamičnaj supolnaści, jakaja abjadnoŭvaje piać krain.
20 śniežnia ŭ Maskvie projdzie siesija Savieta kalektyŭnaj biaśpieki Arhanizacyi dahavora ab kalektyŭnaj biaśpiecy, u jakuju uvachodziać siem krain, i jubilejny samit SND, kudy ŭvachodziać 11 dziaržaŭ byłoha SSSR.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary