Śviaty Mikałaj, pralatajučy nad Biełaruśsiu, skinuŭ padarunki ŭ rajonie Pinska
Nad Biełaruśsiu jon pralacieŭ u 00:15.
Prykładna apoŭdni 24 śniežnia pa biełaruskim časieSanta-Kłaus (Śviaty Mikałaj) vylecieŭ z 60 tysiačami ton padarunkaŭ z Paŭnočnaha Polusa.
Startavaŭ jon z Uschodniaj Aŭstralii i Novaj Ziełandyi. Potym nadyšła čarha Dalokaha Uschodu Rasii, Japonii, Kitaja, Vjetnama. Nie zabyŭ navat Siejšeły, Maŭrykij, viarnuŭsia na Paŭnočny Polus (vidać, pa čarhovuju porcyju), zavitaŭ navat na Kaśmičnuju stancyju.
U Biełaruś Śviaty Mikałaj zavitaŭ prykładna ŭ 00:15--00:17, abdaryŭšy pierad hetym dziaciej ź Finlandyi (Chielsinki), Estonii (Tartu), Łatvii (Vałmijera) i Litvy (Šaŭlaj).
Pralatajučy nad našaj krainaj, jon skinuŭ padarunki nad Pinskam, a potym šybanuŭ u paŭdniovym kirunku (Kiravahrad, Ukraina; Kišynioŭ, Małdova).
Pieramiaščeńnie Śviatoha Mikałaja nasamreč adsočvajuć vajskoŭcy ZŠA,
anłajn možna sačyć na sajcie noradsanta.org,a taksama ŭ Facebook, Twitter i YouTube.
Dakładnaść palotu zabiaśpiečvajuć spadarožniki na hieastacyjanarnaj arbicie, abstalavanyja infračyrvonymi datčykami. Jany ŭłoŭlivajuć ciepłavoje vypramieńvańnie, jakoje sychodzić ad čyrvonaha nosa alenia Rudolfa.
Kaliści pamyłkova telefon vajennaj bazy Pitersan u ZŠA byŭ dadzieny ŭ presie,i ŭsiu noč na 25 śniežnia na bazu telefanavali dzieci, cikaviačysia šlacham Śviatoha Mikałaja.
Vajskoŭcam ničoha nie zastavałasia, jak ciarpliva paviedamlać dzieciam šlach Santy, a z taho času adsočvańnie šlachu vajskoŭcami (a ciapier -- NASA) stała tradycyjaj.
Ciapier čytajuć
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary