Viadomyja biełaruskija mužčyny razychodziacca ŭ vyznačeńni seks-simvała krainy.
Alaksandr Kulinkovič, hurt «Nejra Dziubiel», ličyć, što biełaruski ŭ pryncypie samyja pryhožyja ŭ śviecie. I heta abjektyŭnaja realnaść. Tamu
Kulinkovič nazvaŭ ažno try žančyny: viadučaja Aksana Viečar, śpiavačka Hiuneš i (chto by vy dumali?) staršynia CVK Lidzija Jarmošyna! «Kali takuju bačyš – duša radujecca!»— kaža muzyka.
№1 siarod žančyn
«Sonca biełaruskaj estrady» Alaksandr Saładucha samaj seksualnaj žančynaj nazvaŭ tenisistku Viktoryju Azaranku. «Dla mianie jana na siońniašni dzień – №1 siarod žančyn».
«Heta ž prosta elf!»
Možna spračacca nakont staŭleńnia da mody i asabistaha vyhladu ekanamista i finansavaha analityka Siarhieja Čałaha. Ale ŭ pracaŭnicach modnaj industryi Čały viedaje tołk.
Samaj seksualnaj Čały nazvaŭ madelku Taćcianu Dziahilevu. Na pytańnie «čamu» patłumačyŭ jomka: «Heta ž prosta elf!»U svaje 20 hadoŭ Tania, uradženka Viciebska, paśpieła papracavać na pakazach viadomych madeljeraŭ. Jana rekłamuje Uha Bosa, Krystyjana Dyjora dy Iŭ Sen-Łarana z Polem Hatje razam uziatych. U minułym hodzie časopis Esquire pryznaŭ jaje najseksualniejšaj uradženkaj Biełarusi.
Jana zakinie
Chto-chto, a Micia Tarpiščaŭ, «śviecki» reparcior 34mag.net, viedaje biełaruskich «sielebrycis» znutry i nie baicca zadavać im samyja niazručnyja pytańni. Adnak siarod zorak estrady seks-simvała jon nie znajšoŭ.
«Našy aficyjnyja «śvieckija ilvicy» i hieraini vokładak mianie nie čaplajuć. Usie jany byccam pakrytyja plonkaj,a źvierchu pryciarušanyja šerańniu napałovu z popiełam». A samaj seksualnaj biełaruskaj Tarpiščaŭ pryznaŭ baskietbalistku Alenu Leŭčanku.
A taksama – kožnuju pradaŭščycu ci pravadnicu,jakaja zamiest taho, kab tradycyjna nachamić, uśmichniecca i pavažliva pastavicca da jaho prośby.
«Mianie ŭzbudžaje pierš za ŭsio rozum, zdolnaść łahična myślić i apantanaść lubimaj spravaj, — pryznaŭsia Micia. — Lena, aj łav ju!»
Afanaśjeva takaja cnatliva-seksualnaja
Stylist, kiraŭnik Doma pryhažości «Muson» Alaksandr Kiryniuk samaj seksualnaj ličyć śpiavačku Inu Afanaśjevu. «Jana zaŭsiody dobra vyhladaje, zaŭsiody absalutna roznaja – u styli, pryčoscy, makijažy.
Pry hetym ŭ joj niama pachabstva.Stylist pryznaje, što jość našmat bolš pryhožyja madeli ci viadučyja. Ale voś jany čamuści – pachabnyja. A Ina Afanaśjeva cnatliva-seksualnaja (paradaksalnyja biełaruskija žančyny!). Pa ŭmieńni prypadnieści siabie Alaksandr paraŭnaŭ śpiavačku z Safi Łaren.
Lusiu viedajuć navat tyja, chto bolš nikoha nie viedaje
A voś biznesoŭca, dyrektara ŭłasnaha inviestycyjna-kansałtynhavaha ahienctva i, darečy, chałaściaka Michaiła Baraździna naša pytańnie zahnała ŭ tupik.
«Zombaskryniu» ja nie hladžu i ŭvohule cikaŭlusia tolki tymi žančynami, jakich možna «pamacać», kaža Michaił.Tamu viadomych biełaruskich žančyn amal nie viedaje. Ale adnu ŭsio ž nazvaŭ: heta viadučaja Lusia Łuščyk.
Z takim mierkavańniem nie pahadžajecca aŭtar «ŠOSa» błohier Jaŭhien Lipkovič.
«Kali Lusia Łuščyk adčyniaje rot, heta vyklikaje asacyjacyi vyklučna z nadutaj humavaj lalkaj.Ź Lusi vychodziać słovy biez koleru, pachu i sensu». A samaj seksualnaj žančynaj, pavodle Lipkoviča, źjaŭlajecca Hanna Čystasierdava, art-dyrektarka halerei «Ŭ». Hanna ŭmieje adroźnić «seks» i «seksualnaść». Jana vałodaje ŭsim, što robić žančynu pryvabnaj: enerhijaj, intelektam, biezdakornym hustam i žanockaściu.
Kamientary