Rasijskija dyhiery, jakija adsiadzieli 10 sutak u minskim centry izalacyi pravaparušalnikaŭ (CIP), siońnia viečaram buduć departavanyja ź Biełarusi.
Jak paviedamiŭ BiełaPAN
siemiarych rasijskich hramadzian pavinny vyzvalić ź CIP prykładna ŭ 18.00. Kudy kankretna ich paviazuć, Marčukoŭ nie viedaje.
Chutčej za ŭsio, dyhieraŭ adpraviać na radzimu ciahnikom Minsk — Maskva, jaki adpraŭlajecca z čyhunačnaha vakzała Minska ŭ 18.26.
Jak paviedamlałasia raniej, 13 hramadzian Rasii byli zatrymanyja ŭ Minsku 2 studzienia. Padstavaj dla zatrymańnia staŭ zvarot u milicyju dyrektara aŭtavakzała «Uschodni», jaki zajaviŭ pra parušeńnie hramadskaha paradku hrupaj hramadzian u hatelnym kompleksie aŭtavakzała.
Było ŭstanoŭlena, što 13 dyhieraŭ prybyli ŭ Biełaruś ciahnikom Maskva — Minsk 1 studzienia. Viarnucca nazad jany źbiralisia 3 studzienia. Pry asabistym nadhladzie ŭ dyhieraŭ byŭ vyjaŭleny alpiniscki ryštunak.
Maładyja ludzi paviedamili, što pryjechali ŭ Minsk dla niesankcyjanavanaha praniknieńnia i fotazdymak roznych achoŭvajemy abjektaŭ, u tym liku padziemnych abjektaŭ i stancyj mietro. Usie jany źjaŭlajucca členami rasijskaha niefarmalnaha ruchu «VORON» («Volnyj orhanizovannyj raźviedyvatielnyj otriad nieformałov»).
U dačynieńni da zatrymanych dyhieraŭ byli składzienyja pratakoły na padstavie art. 17.1 Kodeksa ab administracyjnych pravaparušeńniach (drobnaje chulihanstva). Sud Leninskaha rajona pryhavaryŭ ich da administracyjnaha aryštu na termin ad 2 da 10 sutak. Była taksama vyniesiena pastanova ab prymusovaj vysyłcy rasijan paśla adbyćcia pakarańnia z terytoryi Biełarusi. Na praciahu bližejšych piaci hadoŭ im zabaronieny ŭjezd na terytoryju krainy.
Šaściora dyhieraŭ, jakija atrymali mienšyja terminy administracyjnaha aryštu, byli departavanyja raniej.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary