Zbajalisia: Kalehi mulara Paŭłoŭskaha zabirajuć zajavy na zvalnieńnie
U Mahilovie pad ciskam administracyi «Pramžyłbuda» z 15 rabočych bryhady Śpirydonava 11 užo adklikała svaje zajavy na zvalnieńnie.
Mular budaŭničaj arhanizacyi Alaksiej Paŭłoŭski adznačaje, što kali stała viadoma, što ź im nie budzie praciahnuty kantrakt, to ŭsie rabočyja jahonaj bryhady razam z bryhadziram napisali ŭ znak salidarnaści ź im zajavy na zvalnieńnie.
«Rabočyja mianie padtrymlivali. Kali pryjazdžali žurnalisty i inšyja čynoŭniki, jany trymalisia hetaj pazicyi, adnak pastupova ich
Pazaŭčora stała viadoma, što admoviŭšychsia zvalniacca rabočych było dvoje, siońnia ich užo 11.
Alaksiej Paŭłoŭski kaža, što zaraz jahonaha bryhadzira Śpirydonava ŭ čarhovy raz vyklikali ŭ administracyju «Pramžyłbuda». Mular padazraje, što ź im budzie pravodzicca čarhovaja ideałahičnaja razmova.
Nahadajem, što 4 studzienia Alaksiej Paŭłoŭski atrymaŭ piśmovaje ŭviedamleńnie ab tym, što ź im nie praciahvajecca pracoŭny kantrakt. U dadzienaj budaŭničaj arhanizacyi aktyvist niezaležnaha prafsajuza REP adpracavaŭ ciaham adnaho hoda. Narakańniaŭ pa pracy nie mieŭ. Svajo zvalnieńnie Paŭłoŭski źviazvaje sa svajoj aktyŭnaj pazicyjaj pa adstojvańniu pracoŭnych intaresaŭ rabočych
Kamientary