AAT «Babulin zban» ciaham najbližejšaha paŭhodździa budzie pieraŭtvoranaje ŭ chołdynh, zajaviŭ hienieralny dyrektar pradpryjemstva Ihar Kanančuk.
«Kiraŭnictvam vobłaści pryniataje rašeńnie, što na bazie pradpryjemstva pavinien być stvorany małočny chołdynh. Darečy, heta pakul pieršy ŭ respublicy chołdynh», — skazaŭ kiraŭnik pradpryjemstva.
Pavodle jaho słovaŭ, u małočny chołdynh uvojduć praktyčna ŭsie małočnyja pradpryjemstvy Mahiloŭskaj vobłaści. Takim čynam, chołdynh budzie składacca z 19 strukturnych padraździaleńniaŭ, kudy ŭvojduć usie padraździaleńni AAT «Bychaŭmałako», 2 zavody ŭ Mścisłaŭskim i 4 — u Asipovickim rajonach.
Ciapier vytvorčyja mahutnaści pradpryjemstva dazvalajuć pierapracoŭvać 1700 ton małaka ŭ sutki. Vypuskajecca małočnaja pradukcyja bolš za 300 najmieńniaŭ.
U 2001 hodzie ŭ skład pradpryjemstva, jakoje tady nazyvałasia AAT «Mahiloŭski małočny kambinat», uvajšli AAT «Kruhlanski masłarobny zavod» i AAT «Krasnapolski zavod zamieńnikaŭ nieraźviedzienaha małaka». U krasaviku 2005 byli dałučanyja AAT «Kiraŭski masłarobny zavod», AAT «Białynicki syrarobny zavod» i AAT «Drybinski masłarobny zavod», a ŭ śniežni 2005 hoda — AAT «Kryčaŭski masłarobny zavod». U kancy 2006 hoda ŭ skład pradpryjemstva uvajšoŭ «Kaściukovicki małočny zavod».
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary