Prychilniki Pucina i rasijskaja apazicyja praviali ŭ Maskvie aŭtaprabiehi
U centry rasijskaj stalicy prachodzić aŭtamabilnaja akcyja «Za sumlennyja vybary», udzielniki jakoj pratestujuć suprać falsifikacyi vynikaŭ niadaŭnich dumskich vybaraŭ i patrabujuć sumlennaha praviadzieńnia prezidenckaj kampanii.
Dziasiatki aŭtamabilaŭ z łozunhami, biełymi stužačkami i biełymi bałonikami ruchajucca pa centry Maskvy i sprabujuć prajści pa kołcavym maršrucie vakoł Kramla, paviedamlaje Rasijskaja słužba Bi-Bi-Si.
Adnak pastupajuć paviedamleńni, što maskoŭskaja palicyja ŭ niekatorych vypadkach błakuje ruch udzielnikaŭ demanstracyi. U horadzie ŭtvarylisia zatory.
Miž tym, maskoŭskija pravaachoŭnyja orhany śćviardžajuć, što ŭ aŭtaprabiehu prymajuć udzieł kala 150 aŭtamabilaŭ, u tym liku kala 100 mašyn ź simvolikaj i jašče 50 — bieź jaje.
Dadzienyja ab kolkaści udzielnikaŭ akcyi adroźnivajucca. RIA Novosti pieradaje, što mima budynka ahienctva «za 10 chvilin prajechali kala troch dziasiatkaŭ mašyn ź biełymi stužkami i bałonikami, z nalepkami». Pry hetym Asašyejted pres paviedamlaje pra «sotni» aŭtamabilaŭ, jakija prymajuć udzieł u aŭtaprabiehu.
Niekatoryja ŭdzielniki apazicyjnaj akcyi taksama paviedamlajuć pra zatrymańni.
Karespandent Rasijskaj słužby Bi-Bi-Si Kaciaryna Drabinina bačyła na ŭnutranym boku Sadovaha kalca kala 50 aŭtamabilaŭ z apazicyjnaj simvolikaj. Pry hetym ruch na mahistrali nie byŭ parušany.
Pa nazirańniach našaha karespandenta, siarod udzielnikaŭ aŭtaprabiehu było niamała ŭładalnikaŭ darahich aŭtamabilaŭ prestyžnych marak.
Načny prabieh za Pucina
U noč z suboty na niadzielu prychilniki kandydata ŭ prezidenty Uładzimira Pucina praviali ahitacyjny aŭtaprabieh pa Sadovym kolcy.
Akcyja pad nazvaj «aVVtoParty», arhanizavanaja internet-supolnaściu «Sietka prychilnikaŭ Pucina», stała adkazam na anałahičnaje mierapryjemstva «antypucincaŭ» u kancy studzienia.
Dadzienyja ab kolkaści ŭdzielnikaŭ adroźnivajucca. Inicyjatary kažuć ab piaci tysiačach, palicyja ab dvuch tysiačach, karespandenty ź miesca padziej nazyvajuć ličby ad 500 da tysiačy mašyn.
-
Cana Brent adkaciłasia da $90 za baral na fonie abiacańniaŭ Trampa chutka skončyć vajnu suprać Irana
-
Kamandujučy elitnaha iranskaha śpiecnaza pracavaŭ na Izrail? Kažuć, jon saskočyŭ z sustrečy ŭ Chamieniei za paŭhadziny da ŭdaru
-
Pa bazie Bundeśviera ŭ Iardanii nanieśli rakietny ŭdar, paciarpiełych niama
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary