Ukrainskaja apazycyja abjadnoŭvajecca suprać Janukoviča
Referendum u spravie źmieny palityčnaj sytemy ŭva Ŭkrainie, abarona prazachodniaj zamiežnaj palityki i rodnaj movy, a taksama likvidacyja pasiarednikaŭ u pastaŭkach hazu z Rasiei – heta hałoŭnyja patrabavańni ŭkrainskaj apazycyi da prarasiejskaj kaalicyi premjera Viktara Janukoviča.
«U vypadku nievykanańnia hetych patrabavańniaŭ apazycyja nia budzie prymać udzieł u pracy parlamentu», – zajaviŭ staršynia parlamenckaha klubu praprezydenckaj «Našaj Ukrainy» Viačasłaŭ Kirylenka.
Apazycyjny «Blok Julii Cimašenka» i «Naša Ŭkraina» padpisali ŭ prysutnaści prezydenta Viktara Juščanki intencyjny list, što akreślivaje taktyku ich dziejańniaŭ u dačynieńni da kaalicyi «Partyi Rehijonaŭ Ukrainy», sacyjalistaŭ i kamunistaŭ. «Damova pryniataja praktyčna adzinahałosna», – paviedamiła pradstaŭnica Juščanki Iryna Vańnikava.
Kamientary