Pa słovach vidavočcaŭ, hałava ŭ jaho była raźbita da kryvi.
Ravaryst trapiŭ pad aŭtobus u Minsku i źjechaŭ da prybyćcia DAI, paviedamiła staršy inśpiektar pa ahitacyi i prapahandzie ADAI Frunzienskaha RUUS Alena Vołčak.
Siońnia kala 9.00 na vulicy Hareckaha pad rejsavy aŭtobus (maršrut № 116) trapiŭ viełasipiedyst. Pavodle kiroŭcy, paciarpieły jechaŭ pa krai prajeznaj častki, źlohku vilajučy z boku ŭ bok. Aŭtobus uziaŭ krychu ŭleva i pajšoŭ na abhon. U hety momant piaredniaje koła rovara trapiła ŭ vyboinu na darozie, ravaryst straciŭ kiravańnie, zvaliŭsia spačatku na bort aŭtobusa, a zatym na prajeznuju častku. Pry hetym, pa słovach vidavočcaŭ, jon mocna ŭdaryŭsia plačom i hałavoj (hałava była raźbita da kryvi).
Tym nie mienš, pakul aŭtobus spyniaŭsia, paciarpieły uskočyŭ na rovar i ź miesca zdareńnia ŭciok.
Kiroŭca vyklikaŭ DAI, ale inśpiektaram akramia śladoŭ kryvi na asfalcie zafiksavać nie było čaho. U DAI raźličvajuć, što paciarpieły nieŭzabavie abvieścicca ŭ adnoj sa staličnych balnic, bo traŭmy ŭ jaho mohuć być istotnymi.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary